ຫຼາຍປະເທດເອົາໃຈໃສ່ເພີ່ມທະວີການປ້ອງກັນແລະປິ່ນປົວພະຍາດເອດເພື່ອບັນລຸເປົ້າໝາຍຫຼຸດຜູ່ຕິດເຊື້ອHIVເອດເພີ່ມໃໝ່,ບໍ່ມີການລັງກຽດແລະບໍ່ມີຜູ່ເສຍຊີວິດຍ້ອນພະຍາດເອດ
(GMT+08:00) 2011-12-02 16:27:27 cri
ວັນທີ1ທັນວານີ້ແມ່ນວັນຕ້ານເອດໂລກ,ຫົວຂໍ້ຂອງປີນີ້ແມ່ນ"ບັນລຸເປົ້າໝາຍຍຸດທະສາດ---ບໍ່ມີຜູ່ຕິດເຊື້ອHIVເອດເພີ່ມໃໝ່,ບໍ່ມີການລັງກຽດແລະບໍ່ມີຜູ່ເສຍຊີວິດຍ້ອນພະຍາດເອດ".ເພື່ອເລື່ອງນີ້,ລັດຖະບານແລະອົງການຈັດຕັ້ງທາງສັງຄົມຂອງຫຼາຍປະເທດລ້ວນແຕ່ໃຫ້ສຽງຕອບຮັບຢ່າງຕັ້ງໜ້າ,ຊຸກຍູ້ໃຫ້ປະເທດເຫຼົ່ານີ້ກ້າວໄປສູ່ເປົ້າໝາຍດັ່ງກ່າວ.ມື້ດຽວກັນ,ທ່ານບານກີມູນເລຂາທິການໃຫຍ່ສະຫະປະຊາຊາດກໍ່ໄດ້ກ່າວຄຳປາໄສໂດຍຮຽກຮ້ອງໃຫ້ປະຊາຄົມໂລກເອົາໃຈໃສ່ກຳທ່າອ່ຽງຕ້ານເອດໃນປະຈຸບັນ,ພະຍາຍາມກຳຈັດພະຍາດຕິດແປດນີ້.
ສະຫະພາບເອີລົບພ້ອມດ້ວຍປະເທດສະມາຊິກໄດ້ອອກຖະແຫຼງການໃນວັນທີ1ທັນວານີ້ໂດຍກ່າວຢ້ຳໃນຄຳໝັ້ນສັນຍາໃນການຕ້ານເອດແລະວາງເປົ້າໝາຍໃໝ່ຕ່າງໆ.
ໃນຖານະເປັນປະເທດທີ່ມີຜູ່ຕິດເຊື້ອHIVເອດຫຼາຍສົມຄວນໃນໂລກ,ອາຟຼິກກາໃຕ້ກໍ່ໄດ້ເລີ່ມຕົ້ນການປະຕິບັດແຜນຍຸດທະສາດແຫ່ງຊາດເພື່ອຮັບມືກັບພະຍາດເອດປີ2012ຫາ2016ໃນວັນທີ1ທັນວານີ້.
ນອກຈາກລັດຖະບານໃຊ້ມາດຕະການທີ່ກ່ຽວຂ້ອງແລ້ວ,ປະຊາຊົນຂອງຫຼາຍປະເທດທີ່ພັດທະນາແລ້ວກໍ່ພວມເສີມຂະຫຍາຍບົດບາດອັນສຳຄັນໃນການຕ້ານເອດ.
ວັນທີ1ທັນວານີ້,ອົງການຈັດຕັ້ງທີ່ບໍ່ຫວັງຜົນກຳໄລຂອງສິງກະໂປໄດ້ຈັດກິດຈະກຳໂດຍຮຽກຮ້ອງໃຫ້ປະຊາຊົນໃຊ້ທ່າທີອັນຕັ້ງໜ້າໃນການປະຕິບັດຕໍ່ຜູ່ຕິດເຊື້ອHIVເອດແລະຜູ່ເປັນເອດ.ເຮັດໃຫ້ປະກົດການລັງກຽດຕໍ່ຜູ່ຕິດເຊື້ອHIVເອດແລະຜູ່ເປັນເອດຫຼຸດໜ້ອຍລົງເພື່ອໃຫ້ເຂົາເຈົ້າດຳລົງຊີວິດຄືຄົນປົກກະຕິ.
