ກິດຈະກໍາໂຄສະນາຫົວຂໍ້ສະເພາະ "ວັນຕ້ານເອດໂລກ"ປີ2011ທີ່ຈັດຂຶ້ນໃນວັນທີ1ທັນວານີ້ເຜີຍໃຫ້ຮູ້ວ່າ, ຈີນເປັນປະເທດທີ່ມີອັດຕາ ຜູ້ຕິດເຊື້ອHIVເອດແລະຜູ້ເປັນເອດຕໍ່າ, ແຕ່ບາງເຂດພັດມີຜູ້ຕິດເຊື້ອHIVເອດແລະຜູ້ເປັນເອດຫລາຍ, ປະຈຸບັນ, ໃນທົ່ວປະເທດຈີນມີຜູ້ຕິດເຊື້ອHIVເອດແລະຜູ້ເປັນເອດປະມານ7ແສນ8ໝື່ນຄົນ,ໃນນັ້ນ, ຜູ້ເປັນເອດ1ແສນ5ໝື່ນ4ພັນຄົນ.
ກິດຈະກໍາໂຄສະນາຫົວຂໍ້ສະເພາະ "ວັນຕ້ານເອດໂລກ"ປີ2011ທີ່ມີຫົວຂໍ້ວ່າ "ການກະທໍາຕົວຈິງ, ກ້າວໄປສູ່ເປົ້າໝາຍອັດຕາພະຍາດເອດ0"ໄດ້ຈັດຂຶ້ນໃນວັນທີ1ທັນວານີ້ຢູ່ນະຄອນຫລວງປັກກິ່ງ. ທ່ານເຊີນຈູ, ລັດຖະມົນຕີວ່າການກະຊວງສາທາລະນະສຸກຈີນກ່າວວ່າ, ຜ່ານຄວາມພະຍາຍາມຢ່າງບໍ່ລົດລະມາເປັນເວລາຫລາຍປີ, ອັດຕາຜູ້ຕິດເຊື້ອHIVເອດແລະຜູ້ເປັນເອດໄດ້ຫລຸດລົງ, ອັດຕາເສຍຊີວິດກໍໄດ້ຫລຸດລົງ, ຮັກສາທ່າອຽງອັດຕາຜູ້ຕິດເຊື້ອHIVເອດແລະຜູ້ເປັນເອດໃຫ້ຢູ່ລະດັບຕໍ່າ.
