ສະຫະປະຊາຊາດຄາດຄະເນວ່າ,ເສດຖະກິດທົ່ວໂລກມີຄວາມສ່ຽງຫຼາຍຂຶ້ນທີ່ຈະຊຸດໂຊມລົງອີກ
(GMT+08:00) 2011-12-02 19:46:38 cri
ວັນທີ1ທັນວານີ້,ສະຫະປະຊາຊາດໄດ້ເຜີຍແຜ່ບົດລາຍງານ"ສະຖານະການແລະອະນາ ຄົດຂອງເສດຖະກິດໂລກປີ2012".ບົດລາຍງານຂຽນວ່າ,ການເຕີບໂຕຂອງເສດຖະກິດໂລກຊ້າລົງຢ່າງຈະແຈ້ງໃນປີ2011,ອົງກອນເສດຖະກິດທີ່ພັດທະນາແລ້ວຈຳນວນໜຶ່ງມີຄວາມສ່ຽງຫຼາຍຂຶ້ນທີ່ຈະຊຸດໂຊມລົງອີກ,ແລະຈະຖ່ວງດຶງປະເທດອື່ນໆໃນໂລກ.
ບົດລາຍງານທີ່ເຜີຍແຜ່ໂດຍພະແນກວຽກງານເສດຖະກິດສັງຄົມຂອງສະຫະປະຊາຊາດ ກ່າວວ່າ,ອັດຕາການຫວ່າງງານຍັງຢູ່ໃນລະດັບສູງ,ວິກິດການໜີ້ສິນພາກລັດຂອງເຂດເງິນເອີໂຣ,ພ້ອມດ້ວຍນະໂຍບາຍຮັດກຸມການເງິນຂອງປະເທດທີ່ພັດທະນາແລ້ວເຮັດໃຫ້ຈັງຫວະເຕີບໂຕຂອງເສດຖະກິດໂລກຊ້າລົງ,ເພີ່ມຄວາມອາດເປັນໄປໄດ້ທີ່ຈະເຮັດໃຫ້ເສດ ຖະກິດຊຸດໂຊມລົງອີກ.ບົດລາຍງານເຫັນວ່າ,ປີ2012ແມ່ນປີທີ່ເປັນຂໍກະແຈສຳຄັນທີ່ຈະເປັນການຕັດສິນວ່າ ເສດຖະກິດໂລກຈະເຕີບໂຕດ້ວຍຈັງຫວະຊ້າຕໍ່ໄປຫຼືວ່າຈະເຂົ້າສູ່ພາວະຊຸດໂຊມລົງຄືນໃໝ່.
ບົດລາຍງານຄາດຄະເນວ່າ,ໃນປີ2012,ລວມຍອດມູນຄ່າການຜະລິດຂອງໂລກຈະເພີ່ມຂຶ້ນ2,6%,ແລະຮຽກຮ້ອງໃຫ້ລັດຖະບານຂອງປະເທດທີ່ພັດທະນາແລ້ວຢ່າຟ້າວຮີບຮ້ອນນຳໃຊ້ນະໂຍບາຍຮັດກຸມການເງິນ,ພ້ອມກັນນັ້ນ,ສະເໜີໃຫ້ປະຊາຄົມໂລກເພີ່ມທະວີການປະສານງານໃນການນຳໃຊ້ມາດຕະການກະຕຸ້ນເສດຖະກິດຕື່ມອີກ,ເພີ່ມງົບປະມານເຂົ້າໃນຂົງເຂດຕ່າງໆ,ເປັນຕົ້ນແມ່ນ:ການກໍ່ສ້າງພື້ນຖານໂຄງລ່າງ,ການຍົກສູງສະ ມັດຖະພາບການນຳໃຊ້ພະລັງງານ,ການສະໜອງພະລັງງານແບບຍືນຍົງ,ແລະຄວາມປອດໄພທາງດ້ານສະບຽງອາຫານ.
