ຕາມຂ່າວສານຈີນ: ວັນທີ 1 ທັນວານີ້, ທ່ານນາງຍິ່ງລັກ ຊິນນະວັດ ນາຍົກລັດຖະມົນຕີໄທກ່າວວ່າ, ລັດຖະບານໄທພວມເລັ່ງລັດລະບາຍນ້ຳອັ່ງຂັງລົງສູ່ທະເລ, ຫວັງວ່າຜູ່ປະສົບໄພທັງໝົດຈະສາມາດກັບຄືນບ້ານເຮືອນກ່ອນຈະຮອດປີໃໝ່ສາກົນ
ທ່ານນາງຍິ່ງລັກ ຊິນນະວັດຍັງໃຫ້ຄຳໝັ້ນສັນຍາວ່າ ຈະໃຫ້ຈັງຫວັດນົນທະບູຣີກັບຄືນສູ່ສະພາບປົກກະຕິພາຍໃນ 5 ມື້ຕໍ່ໜ້າ.
ມື້ດຽວກັນ, ທ່ານສຸຂຸມພັນທ໌ ບໍຣີພັດ ຜູ່ວ່າຣາຊະການກຸງເທບມະຫານະຄອນກໍ່ກ່າວວ່າ, ທ່ານຫວັງວ່າເຂດປະສົບໄພນ້ຳຖ້ວມທັງໝົດຈະສາມາດກັບຄືນສູ່ສະພາບປົກກະຕິກ່ອນວັນທີ 31 ທັນວານີ້, ເພື່ອຕ້ອນຮັບປີໃໝ່ສາກົນ.
