ເນື່ອງໃນໂອກາດລະລຶກວັນສ້າງຕັ້ງວິທະຍຸສາກົນແຫ່ງປະເທດຈີນCRIຄົບຮອບ 70 ປີ, ວັນທີ 3 ທັນວານີ້, "ເວັບໄຊວິດີໂອທ່ຽນຕີ້" ເຊິ່ງເປັນເວທີໂຄສະພາສື່ໃໝ່ອັນສຳຄັນອີກອັນໜຶ່ງທີ່ຂຶ້ນກັບວິທະຍຸສາກົນແຫ່ງປະເທດຈີນໄດ້ຂຶ້ນອິນເຕີເນັດຢ່າງເປັນທາງການ. ຜູ່ໃຊ້ອິນເຕີເນັດສາມາດຂຶ້ນເວັບໄຊດັ່ງກ່າວ, ເພື່ອຊົມເບິ່ງຂໍ້ມູນວິດີໂອທີ່ມີຫຼາຍຢ່າງຫຼາຍແນວ.
ຊື່ຂຶ້ນທະບຽນຂອງ"ເວັບໄຊວິດີໂອທ່ຽນຕີ້"ແມ່ນwww.T-D.TV . ເວັບໄຊນີ້ມີມີຈຸດພິເສດທີ່ປະກາດວິດີໂອທີ່ປະດິດສ້າງດ້ວຍຕົນເອງ. ເຊິ່ງຖືການເຜີຍແຜ່ໂຄສະພາວັດທະນະທຳເປັນໃຈກາງ, ອາໄສຂໍ້ມູນຂ່າວສານອັນອຸດົມສົມບູນຂອງCRI, ອີງຕາມຄວາມຕ້ອງການຂອງຜູ່ຟັງທີ່ຕ່າງກັນທີ່ຢູ່ຈີນ ແລະ ຕ່າງປະເທດ,ເຮັດລາຍການທີ່ມີສີສັນພິເສດ ແລະ ຄຸນນະພາບດີ. ຢູ່ຈີນ ຖືຂ່າວສາກົນວິດີໂອເປັນເນື້ອໃນຕົ້ນຕໍ, ໂຄສະນາຍີ່ຫໍ້"ຂໍ້ມູນຂ່າວສານທົ່ວໂລກ", ຢູ່ຕ່າງປະເທດ ຖືການໂຄສະນາວັດທະນະທຳຈີນດ້ວຍຫຼາຍພາສາເປັນເນື້ອໃນຕົ້ນຕໍ, ລົງເລິກຂະຫຍາຍ ແລະ ແນະນຳເນື້ອໃນປັດໄຈຂອງຈີນທີ່ຄົນຕ່າງປະເທດສົນໃຈ ເຊັ່ນ,ສອນພາສາຈີນ, ທ່ອງທ່ຽວ, ສີລະປະ, ວັດຖຸບູຮານ ແລະ ອາຫານການກິນເປັນຕົ້ນ, ຮັບໃຊ້ຕໍ່ຊາວເນັດທົ່ວໂລກ. ປັດຈຸບັນ, ເວັບໄຊມີສະບັບພາສາຈີນ ແລະ ພາສາອັງກິດ, ໃນຕໍ່ໜ້າຍັງຈະເພິ່ມເນື້ອໃນພາສາອື່ນໆຕາມລຳດັບ, ຈໍ່ຕົວເປັນສີສັນຫຼາຍພາສາ ແລະ ແບບສາກົນ.
