ທ່ານເຮີມັນ ແຄນ, ຜູ້ສະໝັກຮັບເລືອກຕັ້ງປະທານາທິບໍດີຂອງພັກສາທາລະນະລັດອາເມລິກາປະກາດຖອນຕົວອອກຈາກການເລືອກຕັ້ງ
(GMT+08:00) 2011-12-04 16:27:07 cri
ວັນທີ 3 ທັນວານີ້, ທ່ານເຮີມັນ ແຄນ, ນັກທຸລະກິດ ຜູ້ສະໝັກຮັບເລືອກຕັ້ງປະທານາທິບໍດີຂອງພັກສາທາລະນະລັດອາເມລິກາ, ປະກາດຖອນຕົວອອກຈາກການເລືອກຕັ້ງ.
5 ມື້ກ່ອນ, ນັກທຸລະກິດຜູ້ຍິງຜູ້ໜຶ່ງເວົ້າວ່າ, ທ່ານແຄນເຄີຍມີການພົວພັນສູ້ສາວກັບຕົນເອງ 13 ປີ, ເດືອນໜຶ່ງກ່ອນ, ມີຜູ້ຍິງ 4 ຄົນໄດ້ກ່າວຫາວ່າທ່ານແຄນເຄີຍມີການກະທຳ "ລ່ວງລະເມີດທາງແພດ" ຕໍ່ຕົນເອງ. ເຖິງວ່າໃນເວລາກ່າວຄຳປາໄສເພື່ອຖອນຕົວອອກຈາກການເລືອກຕັ້ງ, ທ່ານແຄນຍຶດໝັ້ນວ່າຕົນເອງບໍ່ເຄີຍເຮັດເລື່ອງດັ່ງກ່າວແລະກ່າວວ່າ, "ຂ່າວລືກ່ຽວກັບການພົວພັນສູ້ສາວ" ທີ່ເຜີຍອອກມາຢ່າງຕໍ່ເນື່ອງນັ້ນ, ແມ່ນກົນອຸບາຍຂອງຄູ່ແຂ່ງການເລືອກຕັ້ງ. ແຕ່ດ້ວຍຜົນກະທົບຈາກເລື່ອງເຫຼົ່ານີ້, ຜົນການຢັ່ງປະຊາມະຕິໃນຫວ່າງມໍ່ໆນີ້ສະແດງໃຫ້ເຫັນວ່າ, ອັດຕາສະໜັບສະໜູນທ່ານແຄນໄດ້ຫຼຸດລົງຢ່າງຫຼວງຫຼາຍ, ເຊິ່ງຈາກ 30% ໃນຕົ້ນເດືອນພະຈິກຫຼຸດລົງມາເປັນ 14% ແລ້ວ.
ນັກວິເຄາະເຫັນວ່າ, ເມື່ອທ່ານແຄນຖອນຕົວອອກແລ້ວ, ຜູ້ສະໜັບສະໜູນຂອງທ່ານຈະມີຫຼາຍຄົນຫັນໄປສະໜັບສະໜູນທ່ານນິວທ໌ ຄິງຣີຈ໌. ອີກດ້ານໜຶ່ງ, ທ່ານແຄນຖອນຕົວອອກຈາກການເລືອກຕັ້ງແລ້ວ, ຈະເຮັດໃຫ້ສື່ມວນຊົນສຸມໃສ່ທ່ານຄິງຣີຈ໌, ເຊິ່ງກໍ່ເປັນຜູ້ໜຶ່ງທີ່ມີບັນຫາຫຼາຍຄືກັນ, ໃນນັ້ນລວມທັງບັນຫາຄອບຄົວສ່ວນຕົວ,ໃນເວລາເປັນທີ່ປຶກສາໃຫ້ອົງການປ່ອຍເງິນກູ້ໃຫ້ການຊື້ເຮືອນຢູ່ສະຫະພັນໄດ້ຮັບເງິນຈ້າງສູງແລະບັນຫາອື່ນໆ.
