ຮອດປີ 2015, ຍອດມູນຄ່າການຄ້າດ້ານການບໍລິການຂາເຂົ້າຂາອອກຂອງຈີນຈະບັນລຸ 600 ຕື້ໂດລາ
(GMT+08:00) 2011-12-04 16:32:40 cri
ຫວ່າງມໍ່ໆນີ້, ລັດຖະບານຈີນໄດ້ເປີດເຜຍ "ແຜນການ '5 ປີຄັ້ງທີ 12' ກ່ຽວກັບການພັດທະນາການຄ້າດ້ານການບໍລິການ", ໂດຍກຳນົດວ່າ, ຮອດປີ 2015, ຍອດມູນຄ່າການຄ້າດ້ານການບໍລິການຂາເຂົ້າຂາອອກຂອງຈີນຈະບັນລຸ 600 ຕື້ໂດລາສະຫະລັດ, ຈັງຫວະເຕີບໂຕສະເລ່ຍຕໍ່ປີຈະສູງກວ່າ 11%, ໃນຍອດມູນຄ່າດັ່ງກ່າວ, ອັດຕາຂອງການຄ້າດ້ານການບໍລິການທີ່ມີຄວາມຮູ້ໂຮມສູນ, ເຕັກນິກໂຮມສູນແລະມີມູນຄ່າເພີ່ມສູງເຊິ່ງລວມທັງໂທລະຄົມ, ຄອມພິວເຕີ, ການບໍລິການດ້ານຂໍ້ມູນຂ່າວສານ, ການເງິນ, ວັດທະນະທຳແລະການໃຫ້ຄຳປຶກສາເປັນຕົ້ນຈະຫຼາຍກວ່າ 45%, ສ້າງວິສາຫະກິດຈຸດໜັກງວດໜຶ່ງທີ່ມີສິດຊັບສິນທາງປັນຍາຂອງຕົນແລະມີຊື່ສຽງໃນຕະຫຼາດສາກົນ, ສ້າງ "ການບໍລິການຍີ່ຫໍ້ຈີນ".
ໃນໄລຍະ 5 ປີຄັ້ງທີ 11, ຄື ແຕ່ປີ 2006 ຫາປີ 2010, ການຄ້າດ້ານການບໍລິການຂອງຈີນພັດທະນາຢ່າງໝັ້ນທ່ຽງ, ຍອດມູນຄ່າການຄ້າດ້ານການບໍລິການຂາເຂົ້າຂາອອກຂອງຈີນ ຈາກ 191 ຕື້ 700 ລ້ານໂດລາເພີ່ມຂຶ້ນເປັນ 362 ຕື້ 400 ລ້ານໂດລາ, ອັດຕາເພີ່ມຂຶ້ນບັນລຸ 89%, ສະເລ່ຍຕໍ່ປີແມ່ນ 17,3%.
