ສັນນິບາດອາຣາບຕົກລົງລາຍຊື່ລົງໂທດເຈົ້າໜ້າທີ່ລະດັບສູງຂອງຊີລີ
(GMT+08:00) 2011-12-04 16:36:44 cri
ວັນທີ 3 ທັນວານີ້, ກະຊວງການຕ່າງປະເທດຊີລີກ່າວປະນາມຢ່າງຮຸນແຮງຕໍ່ກຳມາທິການສິດທິມະນຸດສະຫະປະຊາຊາດຮັບຮອງມະຕິທີ່ບໍ່ສະເໝີພາບໃນຫວ່າງມໍ່ໆນີ້, ກ່າວເນັ້ນວ່າ, ມະຕິດັ່ງກ່າວແມ່ນກຳນົດອອກມາຕາມການໃສ່ຮ້າຍປ້າຍສີແລະຂ່າວລືຂອງອິດທິກຳລັງທີ່ເປັນປໍລະປັກກັນ, ໄດ້ແຊກແຊງວຽງງານພາຍໃນຂອງຊີລີຢ່າງຮ້າຍແຮງ.
ວັນທີ 2 ທັນວານີ້, ກຳມາທິການບໍລິຫານງານສິດທິມະນຸດສະຫະປະຊາຊາດໄດ້ຮັບຮອງມະຕິສະບັບໜຶ່ງກ່ຽວກັບສະຖານະການສິດທິມະນຸດຊີລີທີ່ສະເໜີໂດຍສະຫະພາບເອີລົບ, ຮຽກຮ້ອງໃຫ້ລັດຖະບານຊີລີຢຸດເຊົາການລ່ວງລະເມີດສິດທິມະນຸດທຸກຢ່າງ, ປ່ອຍຜູ້ຖືກກັກຕົວ, ຮັບການສຳຫຼວດຂອງສາກົນ.
ນອກນັ້ນ, ຕອນຄ່ຳວັນທີ 3 ທັນວານີ້, ກອງປະຊຸມລະດັບລັດຖະມົນຕີການຕ່າງປະເທດຂອງສັນນິບາດອາຣາບໄດ້ຈັດຂຶ້ນຢູ່ນະຄອນຫຼວງໂດຮາຂອງປະເທດກາຕາ, ໄດ້ຕົກລົງລາຍຊື່ລົງໂທດເຈົ້າໜ້າທີ່ລະດັບສູງແລະບຸກຄົນລະດັບສູງ 19 ຄົນຂອງຊີລີ, ຫ້າມບໍ່ໃຫ້ເຂົ້າປະເທດອາຣາບອື່ນໆ, ແລະໂຈະທຶນເຂົາເຈົ້າ.
ກອງປະຊຸມຍັງຕົກລົງວ່າ, ຫ້າມບໍ່ໃຫ້ອາວຸດປະເພດຕ່າງໆຂົນເຂົ້າຊີລີໂດຍຜ່ານປະເທດສັນນິບາດອາຣາບ, ແຕ່ວັນທີ 15 ທັນວານີ້ເປັນຕົ້ນໄປ, ຫຼຸດຖ້ຽວບິນໄປກັບຊີລີລົງ 50%, ໃນນັ້ນ, ຍັງລວມທັງຖ້ຽວບິນຂອງບໍລິສັດການບິນຊີລີ.
