ການເລືອກຕັ້ງຂອງສະພາດູມາຣັດເຊຍຄັ້ງທີ 6 ເລິ່ມປ່ອນບັດ. ຢູ່ຣັດເຊຍໄດ້ຈັດຕັ້ງສະຖານທີ່ປ່ອນບັດ 9 ໝື່ນ 6 ພັນກວ່າແຫ່ງ, ສະຖາທີ່ປ່ອນບັດແຫ່ງຕ່າງໆຈະເປີດໃຫ້ປະຊາຊົນຜູ້ມີສິດເລືອກຕັ້ງໃນ 8 ໂມງເຊົ້າວັນທີ 4 ທັນວານີ້ຕາມເວລາທ້ອງຖິ່ນ, ແລະຈະສິ້ນສຸດການປ່ອນບັດໃນ 20 ໂມງຂອງມື້ດຽວກັນ.
ພັກການເມືອງ 7 ພັກ ເຊິ່ງລວມທັງພັກທ້ອນໂຮມຣັດເຊຍເປັນເອກະພາບຈະເຂົ້າຮ່ວມການເລືອກຕັ້ງສະພາດູມາເທື່ອນີ້. ທ່ານດີມີຕຣີ ເມັດເວເດັຟ ປະທະນາທິບໍດີຣັດເຊຍນຳພາພັກດັ່ງກ່າວເຂົ້າຮ່ວມການເລືອກຕັ້ງ. ຜົນການຢັ່ງປະຊາມະຕິຫຼ້າສຸດສະແດງໃຫ້ເຫັນວ່າ, ພັກທ້ອນໂຮມຣັດເຊຍເປັນເອກະພາບຈະໄດ້ບັດ 53,7%, ຮັກສາຖານະພັກໃຫຍ່ທີໜຶ່ງໃນສະພາ. ພັກກອມມູນິດຣັດເຊຍ, ພັກເສລີປະຊາທິປະໄຕຣັດເຊຍ, ພັກຣັດເຊຍທ່ຽງທຳຈະຕ່າງໄດ້ຮັບບັດ 16,7%, 11,6% ແລະ 10%, ສ່ວນອັດຕາໄດ້ຮັບບັດການເລືອກຕັ້ງຂອງພັກການເມືອງອື່ນໆຕ່ຳກວ່າ 3%ນັ້ນ ,ຈະບໍ່ມີທີ່ນັ່ງຢູ່ໃນສະພາ.
