ຕາມຂ່າວສານຈີນ: ຫວ່າງມໍ່ໆນີ້, ຢູ່ເກາະບາຫຼຂອງອິນໂດເນເຊຍີ,ທ່ານນາງມາຣີ ພັງອັສດູ ລັດຖະມົນຕີວ່າການກະຊວງການທ່ອງທ່ຽວແລະເສດຖະກິດຫົວຄິດປະດິດສ້າງອິນໂດເນເຊຍກ່າວວ່າ, ເຖິງວ່າເສດຖະກິດໂລກພວມປະເຊີນໜ້າກັບວິກິດການເທົ່ານັ້ນ, ແຕ່ອິນໂດເນເຊຍມີຄວາມໝັ້ນໃຈບັນລຸເປົ້າໝາຍທີ່ດຶງດູດນັກທ່ອງທ່ຽວຕ່າງປະເທດ 8 ລ້ານຄົນໃນປີ2012.
ນາງມາຣີ ພັງອັສດູກ່າວວ່າ, ເພື່ອສະໜັບສະໜູນໃຫ້ນັກທ່ອງທ່ຽວຕ່າງປະເທດມາທ່ຽວຢູ່ອິນໂດເນເຊຍຢ່າງຕໍ່ເນື່ອງ, ກະຊວງການທ່ອງທ່ຽວແລະເສດຖະກິດຫົວຄິດປະດິດສ້າງອິນໂດເນເຊຍຢ່າງໜ້ອຍຈະໃຊ້ງົບປະມານ210ລ້ານໂດລາສະຫະລັດມາຊຸກຍູ້ຂະແໜງການທ່ອງທ່ຽວ ແລະ ເສດຖະກິດຫົວຄິດປະດິດສ້າງ, ເພື່ອບັນລຸເປົ້າໝາຍດຶງດູດນັກທ່ອງທ່ຽວຕ່າງປະເທດໃນປີ2012ໃຫ້ເພິ່ມຂຶ້ນ 3,89% ເມື່ອທຽບກັບປີນີ້.
ທ່ານນາງມາຣີ ພັງອັສດູກ່າວວ່າ, ພາຍໃຕ້ສະຖານະການທີ່ເສດຖະກິດໂລກພັດທະນາບໍ່ໝັ້ນທ່ຽງ, ອິນໂດເນເຊຍຈະດຶງດູດນັກທ່ອງທ່ຽວນຂອງຈີນ, ອິນເດຍ, ຣັດເຊຍ ແລະ ອົສຕຼາລີມາທ່ຽວຢູ່ອິນໂດເນເຊຍຫຼາຍກວ່າເກົ່າ, ເພາະວ່າການເຕີບໂຕຂອງເສດຖະກິດປະເທດເຫຼົ່ານີ້ຍັງໝັ້ນທ່ຽວຢູ່.
ຕາມໄດ້ຊາບ, ປັດຈຸບັນ, ລັດຖະບານອິນໂດເນເຊຍພວມຫາລືວິຊາຮ່ວມກັນໃນພາກພື້ນອາຊຽນ, ຖ້າວ່າປະເທດອາຊຽນປະເທດໜຶ່ງອອກວິຊາໃຫ້ແລ້ວ,ກໍ່ສາມາດເຂົ້າໃນປະເທດອື່ນໆຂອງອາຊຽນໄດ້. ພ້ອມກັນນັ້ນ, ນັກທຸລະກິດການທ່ອງທ່ຽວຂອງເກາະບີຫຼີກ່າວວ່າ, ການໃຫ້ວິຊາຮ່ວມຂອງອາຊຽນຈະມີຜົນດີຕໍ່ການພັດທະນາການທ່ອງທ່ຽວຂອງເກາະບາຫຼີ.
