 |
|
|
|||
| |
 |
|
||||||
 |
||
|
||
|
||
|
||
|
||
|
ຕອນຄ່ຳວັນທີ 3 ທັນວານີ້, ວິທະຍຸສາກົນແຫ່ງປະເທດຈີນ ຫຼື CRIໄດ້ຈັດງານມ່ວນຊື່ນຜູ່ຟັງແລະສື່ມວນຊົນຂອງຈີນແລະຕ່າງປະເທດຢູ່ຫໍຮັບແຂກລັດຖະບານຕ້ຽວອີໄຕປັກກິ່ງ ເພື່ອລະລຶກວັນຄົບຮອບ 70 ປີຂອງການສ້າງຕັ້ງ CRI
ໃນເວລາກ່າວຄຳປາໄສ, ທ່ານຫຼີເຫວີຍ ຮອງຫົວໜ້າກົມໃຫຍ່ວິທະຍຸ ຮູບເງົາແລະໂທລະພາບແຫ່ງຊາດຈີນກ່າວ ວ່າ, ພາລະກິດການກະຈາຍສຽງຕໍ່ຕ່າງປະເທດຂອງປະຊາຊົນຈີນ ແລະ ວິທະຍຸສາກົນແຫ່ງປະເທດຈີນໄດ້ພັດທະນາມາໄດ້ 70 ປີແມ່ນພົວພັນກັບການພັດທະນາ ແລະ ການເຕີບໂຕຢ່າງບໍ່ຢຸດຢັ້ງຂອງປະຊາຊາດຈີນຢ່າງສະໜິດແໜ້ນ, ພ້ອມທັງກໍ່ແຍກອອກຈາກການເອົາໃຈໃສ່ຂອງຜູ່ຟັງອັນໄພສານຂອງຈີນ ແລະ ຕ່າງປະເທດ ພ້ອມທັງການສະໜັບສະໜູນອັນແຂງແຮງຈາກຄູ່ຮ່ວມມືບໍ່ໄດ້. ທ່ານຮຽກຮ້ອງໃຫ້CRIສືບຕໍ່ທຳຄວາມພະຍາຍາມ,ບໍ່ເຮັດໃຫ້ເພື່ອນມິດວົງການຕ່າງໆ ແລະ ຜູ້ຟັງທັງຫຼາຍຜິດຫວັງ, ໄປຊີງເອົາຜົນສຳເລັດຫຼາຍກວ່າເກົ່າເພື່ອຊຸກຍູ້ການສ້າງສາໂລກທີ່ກົມກຽວກັນ ແລະ ເພິ່ມຄວາມສຸກຂອງປະຊາຊົນໃນໂລກ.
ໃນເວລາກ່າວຄຳປາໄສ, ທ່ານວາງເກີ່ງນຽນ ຫົວໜ້າCRIກ່າວວ່າ, 70 ປີມານີ້, CRIກັບຜູ່ຟັງທັງຫຼາຍເຂົ້າໃຈເຊິ່ງກັນແລະກັນ,ແລະໄດ້ຜູກມິດຕະພາບອັນເລິກເຊິ່ງ.
ຜູ່ຕາງໜ້າ 300 ກວ່າຄົນ ເຊິ່ງລວມທັງທ່ານສີພາ ນົງລາດ ຜູ່ອຳນວຍການໃຫຍ່ວິທະຍຸແຫ່ງຊາດລາວ ແລະ ເອກອັກຄະລັດຖະທູດລາວປະຈຳຈີນໄດ້ເຂົ້າຮ່ວມງານມ່ວນຊື່ນ.
ວິທະຍຸສາກົນແຫ່ງປະເທດຈີນ ຫຼື CRIສ້າງຕັ້ງຂຶ້ນໃນວັນທີ 3 ທັນວາປີ1941. ເພື່ອລະລຶກວັນສ້າງຕັ້ງCRIຄົບຮອບ 70 ປີ, ຫຼາຍມື້ມໍ່ໆມານີ້, CRIໄດ້ຈັດກິດຈະກຳສະຫຼອງຫຼາຍຄັ້ງແລ້ວ.
 |
 |
| © China Radio International.CRI. All Rights Reserved. 16A Shijingshan Road, Beijing, China. 100040 |