ວັນທີ 3 ທັນວານີ້, ຢູ່ເມືອງເດີບານຂອງອາຟຼິກາໃຕ້ ຕົວເມືອງຈັດກອງປະຊຸມໃຫຍ່ຂອງສະຫະປະຊາຊາດກ່ຽວກັບດິນຟ້າອາກາດໄດ້ເກີດມີການເດີນຂະບວນປະທ້ວງຢ່າງຂະໜາດໃຫຍ່, ຜູ່ປະທ້ວງຮຽກຮ້ອງໃຫ້ຝ່າຍຕ່າງໆທີ່ເຂົ້າຮ່ວມການເຈລະຈາຮັບຟັງສຽງຮຽກຮ້ອງຂອງມະຫາຊົນ, ເຊັນສັນຍາໂດຍໄວ, ພ້ອມທັງຮຽກຮ້ອງໃຫ້ປະເທດທີ່ພັດທະນາແລ້ວຮັບຜິດຊອບຕໍ່ການປ່ຽນແປງຂອງດິນຟ້າອາກາດ, ນຳໜ້າຫຼຸດການລະບາຍອາຍເຮືອນແກ້ວ.
ມື້ດຽວກັນ, ພວກລັດທິອະນຸລັກສິ່ງແວດລ້ອມໄດ້ຈັດງານປະທ້ວງຢູ່ລອນດອນ ນະຄອນຫຼວງອັງກິດ, ເພື່ອຕອບສະໜອງກອງປະຊຸມດິນຟ້າອາກາດໂລກທີ່ຈັດຂຶ້ນຢູ່ເມືອງເດີບານຂອງອາຟຼິກາໃຕ້, ປະທ້ວງຜູ່ຮັ່ງມີທີ່ສຸດທີ່ກວມປະຊາກອນໂລກ 7% ໄດ້ລະບາຍກອກບອນ 50% ຂອງທົ່ວໂລກ.
ອາດຈະແມ່ນຢູ່ໃຕ້ບັນຍາກາດແນວນີ້, ທ່ານຄຼິສຕີນາ ຟິກຽວຣີສ໌ ເລຂາປະຕິບັດງານຂອງສຳນັກເລຂາ"ສົນທິສັນຍາຂອບຂອງສະຫະປະຊາຊາດກ່ຽວກັບການປ່ຽນແປງຂອງດິນຟ້າອາກາດ"ກ່າວວ່າ, ກອງປະຊຸມໄດ້ຮັບ"ຄວາມຄືບໜ້າອັນສຳຄັນ"ຈຳນວນໜຶ່ງ, ຄື, ເອກະສານການເຈລະຈາຂອງ"ໜ່ວຍງານພິເສດເພື່ອປະຕິບັດການຮ່ວມມືເປັນເວລາຍາວນານ"ຂອງກອງປະຊຸມໄດ້ເປີດເຜີຍຢ່າງເປັນທາງການແລ້ວ
1 2 
