ທະຫານອາເມລິກາເລີ່ມຖອນອອກຈາກຖານທັບອາກາດ "ຊາມຊີ"ໃນປາກີສະຖານ
(GMT+08:00) 2011-12-05 10:39:59 cri
ວັນທີ4ທັນວານີ້,ທະຫານອາເມລິກາໄດ້ເລີ່ມຖອນອອກຈາກຖານທັບອາກາດຊາມຊີທີ່ຕັ້ງຢູ່ແຂວງບາລູຊີສຕັນ ທາງພາກຕາເວັນຕົກສຽງໃຕ້ຂອງປາກີສະຖານຕາມຄວາມຮຽກຮ້ອງຕ້ອງການຂອງລັດຖະບານປາກີສະຖານ.
ມື້ດຽວກັນ,ໃນເວລາລົມໂທລະສັບກັບທ່ານອາຊີຟ ອາລີ ຈາດາຣີ,ປະທານາທິບໍດີປາກີສະຖານ,ທ່ານບາຣັກ ໂອບາມາ,ປະທານາທິບໍດີອາເມລິກາກ່າວວ່າຮູ້ສຶກເສຍໃຈຕໍ່ນາໂຕ,ນາໂຕໄດ້ຫຼອນໂຈມຕີທາງອາກາດໃສ່ດ່ານກວດກາການທະຫານຂອງປາກີສະຖານໄດ້ເຮັດໃຫ້ປະຊາຊົນປາກີສະຖານເສຍຊີວິດແລະບາດເຈັບ,ເຫດການດັ່ງກ່າວບໍ່ແມ່ນການຕັ້ງໃຈຫຼອນໂຈມຕີຕໍ່ປາກີສະຖານ. ທ່ານຍັງກ່າວຢ້ຳວ່າຂອງອາເມລິກາຈະດຳເນີນການສືບສວນຢ່າງຮອບດ້ານ.
ຫຼັງຈາກນັ້ນ,ປາກີສະຖານໄດ້ປິດເສັ້ນທາງລຳລຽງພະລາທິການຂອງນາໂຕທີ່ຜ່ານປາກີສະຖານໄປຍັງອັຟການີສະຖານ,ແລະຮຽກຮ້ອງໃຫ້ທະຫານອາເມລິກາຖອນອອກຈາກຖານທັບອາກາດຊາມຊີຂອງປາກີສະຖານພາຍໃນ15ວັນ,ແລະປະກາດຈະບໍ່ເຂົ້າຮ່ວມກອງປະຊຸມສາກົນກ່ຽວກັບບັນຫາອັຟການີສະຖານທີ່ຈັດຂຶ້ນຢູ່ນະຄອນບອນຂອງເຢຍລະມັນ.
