ໄທອະໄພໂທດແລະຜ່ອນໂທດໃຫ້ນັກໂທດເປັນກໍລະນີພິເສດແຕ່ບໍ່ໄດ້ລວມທັງທ່ານທັກສິນ ຊິນນະວັດ
(GMT+08:00) 2011-12-05 11:18:23 cri
ຕາມຂ່າວຈາກໜັງສືພິມລຽນເຮີຈາວປ້າວຂອງສິງກະໂປ: ວັນທີ5ທັນວານີ້, ພະບາດສົມເດັດພູມີພົນ ອາດູນຍະເດດ, ເຈົ້າຊີວິດຂອງໄທໄດ້ສະເຫຼີມສະຫຼອງວັນເກີດຄົບຮອບ84ປີ, ອີງຕາມຄວາມຊິນເຄີຍທີ່ເຄີຍປະຕິບັດມາ,ໄທຈະອະໄພໂທດແລະຜ່ອນໂທດໃຫ້ນັກໂທດຫຼາຍພັນຄົນ,ແຕ່ລັດຖະບານໄທກ່າວວ່າ,ທ່ານທັກສິນ ຊິນນະວັດ,ອະດີດນາຍົກລັດຖະມົນຕີໄທຈະບໍ່ຢູ່ໃນບັນຊີລາຍຊື່ຂອງນັກໂທດທີ່ໄດ້ຮັບການອະໄພໂທດໃນຄັ້ງນີ້.
ວັນທີ4ທັນວານີ້, ລັດຖະບານໄທກ່າວວ່າ, ເຖິງວ່າມີຄົນໂທດປະມານ 22.000ຄົນໄດ້ຮັບອະໄພໂທດແລະຜ່ອນໂທດ,ແຕ່ຊື່ຂອງທ່ານທັກສິນຊິນນະວັດບໍ່ໄດ້ຖືກຈັດເຂົ້າໃນບັນຊີລາຍຊື່ໃນການອະໄພໂທດຄັ້ງນີ້.
ສື່ມວນຊົນຂອງໄທລາຍງານໃນເດືອນຜ່ານມານີ້ວ່າ,ລັດຖະບານໄທໄດ້ອະນຸມັດໃຫ້ຜ່ານລາຍຊື່ຂອງນັກໂທດທີ່ໄດ້ຮັບການອະໄພໂທດເປັນພິເສດສະບັບໜຶ່ງ,ຊື່ຂອງທ່ານທັກສິນ ຊິນນະວັດກໍ່ໄດ້ຖືກຈັດເຂົ້າໃນບັນຊີລາຍຊື່ເຊັ່ນດຽວກັນ,ນີ້ເຮັດໃຫ້ສັດຕູທາງການເມືອງຂອງທ່ານທັກສິນ ຊິນນະວັດບໍ່ພໍໃຈຢ່າງຮຸນແຮງ. ວັນທີ20ພະຈິກແລ້ວນີ້, ລັດຖະມົນຕີວ່າການກະຊວງຍຸດຕິທຳໄທກ່າວວ່າ, ຢູ່ໃນລາຍຊື່ນັກໂທດທີ່ໄດ້ຮັບການອະໄພໂທດຈາກພະບໍລົມວົງສານຸວົງຂອງໄທໃນປີນີ້ບໍ່ໄດ້ລວມທັງຊື່ຂອງທ່ານທັກສິນ ຊິນນະວັດ,ອະດີດນາຍົກລັດຖະມົນໄທ,ເພາະວ່າ "ນັກໂທດທີ່ໂຕນໜີຢູ່ນັ້ນບໍ່ມີຄຸນວຸດທິ"ຮັບການອະໄພໂທດ.
