ວັນທີ4ທັນວານີ້, ຂ່າວສານຟັສອີຣານລາຍງານວ່າ, ກອງທັບປ້ອງກັນທາງອາກາດອີຣານໄດ້ຍິງເຣືອບິນສອດແນມແບບບໍ່ມີຄົນຂັບຂອງອາເມລິກາຕົກຢູ່ເຂດຊາຍແດນພາກຕາເວັນອອກຂອງອີຣານ, ແຕ່ຂ່າວນີ້ຍັງບໍ່ທັນໄດ້ຮັບການຢືນຢັນຈາກລັດຖະບານອີຣານ.
ເຮືອບິນສອດແນມແບບບໍ່ມີຄົນຂັບລໍານີ້ຖືກທະຫານອີຣານປະຈໍາເຂດຊາຍແດນເຫັນແລະຍິງຕົກໃນເວລາບິນເຂົ້າສອບແນມເທິງນ່ານຟ້າພາກຕາເວັນອອກຂອງອີຣານ. ເຮືອບິນສອດແນມແບບບໍ່ມີຄົນຂັບລໍານີ້ແມ່ນທະຫານອາເມລິການໍາໃຊ້ເຂົ້າໃນສົງຄາມອາຟການີສະຖານ,ໃນເວລາຖືກຍິງຕົກໄດ້ຮັບຄວາມເສຍຫາຍພຽງເລັກນ້ອຍ, ປະຈຸບັນ, ຖືກທະຫານອີຣານປະຈໍາເຂດຊາຍແດນໄດ້ຍຶດໄວ້ແລ້ວ. ແຕ່ລາຍງານນີ້ບໍ່ໄດ້ເປີດເຜີຍເວລາທີ່ເຮືອບິນລໍານີ້ຖືກຍິງຕົກ.
ເດືອນກໍລະກົດປີນີ້, ສື່ມວນຊົນອີຣານໄດ້ລາຍງານວ່າ, ກອງທັບປ້ອງກັນທາງອາກາດອີຣານໄດ້ຍິງເຮືອບິນແບບບໍ່ມີຄົນຂັບຂອງອາເມລິກາລໍາໜຶ່ງຕົກຢູ່ເມືອງຄູມເຊິ່ງເປັນເມືອງສາສະໜາທີ່ຢູ່ພາກກາງຂອງອີຣານ. ແຕ່ພາຍຫລັງມາຂ່າວນີ້ຖືກຢືນຢັນວ່າແມ່ນຂ່າວທີ່ບໍ່ມີມູນຄວາມຈິງ.
