ວັນທີ5ທັນວານີ້, ຢູ່ປັກກິ່ງ, ທ່ານຫົງເຫລີຍ, ໂຄສົກກະຊວງການຕ່າງປະເທດຈີນກ່າວວ່າ,ຈີນເຊື່ອໝັ້ນວ່າ,ການເລືອກຕັ້ງສະພາຕໍ່າຣັດເຊຍຈະມີຜົນດີຕໍ່ການຊຸກຍູ້ຄວາມສາມັກຄີໃນສັງຄົມ,ຄວາມມີສະຖຽນລະພາບແຫ່ງຊາດແລະການພັດທະນາດ້ານເສດຖະກິດຂອງຣັດເຊຍ.
ວັນທີ4ທັນວານີ້,ຣັດເຊຍໄດ້ຈັດການເລືອກຕັ້ງສະພາຕໍ່າແຫ່ງຊາດຄັ້ງທີ6. ອີງຕາມຜົນສະຖິຕິໃນປະຈຸບັນ, ພັກເອກະພາບຣັດເຊຍໄດ້ຮັບຄະແນນຫລາຍກວ່າໝູ່. ສໍາລັບເລື່ອງນີ້, ທ່ານຫົງເຫລີຍກ່າວໃນກອງປະຊຸມຂ່າວວ່າ, ຈີນເຄົາລົບການເລືອກຂອງປະຊາຊົນຣັດເຊຍ, ຍິນດີຮ່ວມກັບປະຊາຊົນຣັດເຊຍ, ຊຸກຍູ້ໃຫ້ການພົວພັນຄູ່ຮ່ວມມືຍຸດທະສາດຮອບດ້ານຈີນ-ຣັດເຊຍສືບຕໍ່ພັດທະນາຢ່າງປອດໃສ, ໝັ້ນທ່ຽງແລະກ້າວໄປໜ້າ.
