ກອບກູ້ເງິນເອີໂຣຈະເຂົ້າສູ່ໄລຍະອາທິດທີ່ເປັນຂໍກະແຈສຳຄັນ
(GMT+08:00) 2011-12-05 10:34:05 cri
5ມື້ຕໍ່ໜ້ານີ້, ອາດຈະກາຍເປັນ5ມື້ທີ່ເປັນຂໍກະແຈສຳຄັນໃນການຕັດສິນອະນາຄົດຂອງເງິນເອີໂຣ. ຈາກການພົບປະກັນລະຫວ່າງຜູ້ນຳຝຣັ່ງກັບເຢຍລະມັນ, ຮອດກອງປະຊຸມສຸດຍອດສະຫະພາບເອີລົບ, ການຕົກລົງແຕ່ລະຫົວຂໍ້ໃນໄລຍະນີ້ລ້ວນແຕ່ອາດຈະປ່ຽນແປງທິດກ້າວເດີນຂອງເຂດໃຊ້ເງິນເອີໂຣໃນອະນາຄົດ.
ວັນທີ5ທັນວານີ້, ຢູ່ນະຄອນຫຼວງປາຣີ, ທ່ານນິໂກລາສ ຊາກໂກຊີ ປະທານາທິບໍດີຝຣັ່ງຈະພົບປະກັບທ່ານນາງແອງເຈີລາ ມີເຄວ ນາຍົກລັດຖະມົນຕີເຢຍລະມັນ, ເພື່ອປະສານສົມທົບໃນຫຼັກໝັ້ນຂອງສອງຝ່າຍກ່ຽວກັບກອງປະຊຸມສຸດຍອດສະຫະພາບເອີລົບທີ່ຈະຈັດຂຶ້ນໃນໄວໆນີ້. ໃນກອງປະຊຸມສຸດຍອດສະຫະພາບເອີລົບທີ່ຈະຈັດຂຶ້ນໃນວັນທີ8ທັນວານີ້, ຜູ້ນຳບັນດາປະເທດເອີລົບຈະປຶກສາຫາລືຢ່າງເຕັມທີ່ແລະຕົກລົງຫຼາຍໆຫົວຂໍ້ເພື່ອແກ້ໄຂວິກິດການໜີ້ສິນເອີລົບ.
ນອກນີ້, ວັນທີ7ທັນວານີ້, ສະພາເກຼັກຈະລົງຄະແນນສຽງຕໍ່ແຜນງົບປະມານປີ2012ຫຼັງເກຼັກໄດ້ປະກາດນະໂຍບາຍຮັດແຄບງົບປະມານ; ມື້ດຽວກັນ, ທ່ານນິໂກລາສ ຊາກໂກຊີ ປະທານາທິບໍດີຝຣັ່ງຈະພົບປະກັບທ່ານເກັສ ລັດຖະມົນຕີວ່າການກະຊວງການເງິນອາເມລິກາ, ປຶກສາຫາລືແຜນການແກ້ໄຂວິກິດການໜີ້ສິນເອີລົບ. ນອກນີ້, ວັນທີ8ທັນວານີ້, ທະນາຄານກາງເອີລົບຈະປະກາດຂໍ້ຕົກລົງກ່ຽວກັບອັດຕານະໂຍບາຍເປັນຄັ້ງທີສອງ.
ສື່ມວນຊົນເອີລົບວິເຄາະວ່າ, ຖ້າວ່າເຢຍລະມັນແລະຝຣັ່ງ ທີ່ເປັນກຳລັງຫຼັກໃນເຂດໃຊ້ເງິນເອີໂຣ ມີຄວາມເປັນເປັນເອກະພາບກັນໃນການພົບປະກັນໃນວັນທີ5ທັນວານີ້, ກອງປະຊຸມສຸດຍອດສະຫະພາບເອີລົບຈະກາຍເປັນຂອງຂວັນບຸນຄຼິສມາດໃນທ້າຍສັບປະດາ.
