ກອງປະຊຸມເດີບານໄດ້ມີຄວາມຮັບຮູ້ຄືກັນແຕ່ຍັງມີຄວາມເຫັນທີ່ຂັດແຍ່ງກັນຫຼາຍຢ່າງກ່ຽວກັບບັນຫາຈຸດສຸມ
(GMT+08:00) 2011-12-05 11:16:06 cri
ປະຈຸບັນ, ວາລະກອງປະຊຸມສະຫະປະຊາຊາດກ່ຽວກັບການປ່ຽນແປງຂອງດິນຟ້າອາກາດທີ່ພວມຈັດຂຶ້ນຢູ່ເດີບານຂອງປະເທດອາຟຼິກາໃຕ້ໄດ້ຜ່ານໄປເຄິ່ງໜຶ່ງແລ້ວ, ແຕ່ອະນາຄົດຍັງບໍ່ຈະແຈ້ງປານໃດ. ວັນທີ4ທັນວານີ້, ທ່ານເຊ້ຍເຈິ້ນຮວາ ຫົວໜ້າຄະນະຜູ້ແທນຈີນກ່າວວ່າ, ປະຈຸບັນ, ຝ່າຍຕ່າງໆໄດ້ມີຄວາມຮັບຮູ້ຄືກັນໃນບາງບັນຫາ, ແລະອາດຈະໄດ້ຮັບຄວາມຄືບໜ້າ, ແຕ່ຍັງມີຄວາມຂັດແຍ່ງກັນຫຫຼາຍໃນສອງບັນຫາຈຸດສຸມ.
ທ່ານເຊ້ຍເຈິ້ນຮວາກ່າວວ່າ, ພາຍໃຕ້ສັນຍາຂອບສະຫະປະຊາຊາດກ່ຽວກັບການປ່ຽນແປງຂອງດິນຟ້າອາກາດ, ສ້າງລະບຽບການແລະກົນໄກໃນດ້ານຫຼຸດຜ່ອນ, ການຊົມໃຊ້, ເງິນທຶນ, ການຖ່າຍທອດເຕັກນິກແລະຄວາມໂປ່ງໃສ, ແມ່ນໜ້າທີ່ສຳຄັນຂອງກອງປະຊຸມເດີບານ. ໃນດ້ານນີ້, ໄດ້ມີຄວາມຮັບຮູ້ຄືກັນກ່ຽວກັບຫຼາຍບັນຫາ, ແລະອາດຈະໄດ້ຮັບຄວາມຄືບໜ້າຕັ້ງໜ້າຈຳນວນໜຶ່ງ. ແຕ່ກ່ຽວກັບບັນຫາລົງລາຍເຊັນໃນຄຳໝັ້ນສັນຍາໄຍລະທີສອງຂອງອະນຸສັນຍາກຽວໂຕແລະບັນຫາກ່ຽວກັບມູນນິທິດິນຟ້າອາກາດສີຂຽວນັ້ນ, ຍັງມີຄວາມຂັດແຍ່ງກັນຢ່າງເດັ່ນຊັດ. ປະເທດພວມພັດທະນາຮຽກຮ້ອງໃຫ້ປະເທດທີ່ພັດທະນາແລ້ວໃຫ້ຄຳໝັ້ນສັຍາໃນການຫຼຸດການລະບາຍອາຍພິດເຮືອນແກ້ວ, ແລະລິເລີ່ມມູນນິທິສີຂຽວໂດຍໄວ, ສ່ວນປະເທດທີ່ພັດທະນາແລ້ວພັດມີຄວາມຫຍໍ້ທໍ້ໃນການຮັບມືຕໍ່ບັນຫານີ້.
ທ່ານເຊ້ຍເຈິ້ນຮວາກ່າວເນັ້ນວ່າ, ລັດຖະບານຈີນຍິນດີຮ່ວມກັນພະຍາຍາມກັບຄະນະຜູ້ແທນຝ່າຍຕ່າງໆດ້ວຍທ່າທີຕັ້ງໜ້າ, ມີລັກສະນະສ້າງສັນແລະເປີດເຜີຍ, ພະຍາຍາມໃຫ້ກອງປະຊຸມໄດ້ຮັບຄວາມຄືບໜ້າທີ່ຕັ້ງໜ້າ.
