ອາຊຽນຈະເຜີຍແຜ່ລະບົບລະຫັດການຄ້າໃໝ່ໃນປີໜ້າ
(GMT+08:00) 2011-12-05 16:05:35 cri
ອີງຕາມລະບົບລະຫັດທີ່ອົງການດ່ານພາສີໂລກພັດທະນາຫຼ້າສຸດ,ກົມພາສີອາກອນຂອງປະເທດພາສີອາຊຽນຕົກລົງວ່າຈະເຜີຍແຜ່ລະບົບລະຫັດການຄ້າໃໝ່ໃນປີໜ້າ,ເພື່ອເຮັດໃຫ້ການຄ້າລະຫວ່າງປະເທດອາຊຽນກັບຕ່າງປະເທດມີຄວາມສະດວກຍິ່ງຂຶ້ນ.
ຫວ່າງມໍ່ໆນີ້,ກົມພາສີອາກອນຂອງສິງກະໂປແຈ້ງວ່າ,ການປະຕິບັດລະບົບລະຫັດການຄ້າໃໝ່ແມ່ນເພື່ອສະໜອງລະບົບແຍກປະເພດອັນໂປ່ງໃສແລະເອກະພາບກັນທາງດ້ານການຄ້າຂອງບັນດາປະເທດ,ເພື່ອເຮັດໃຫ້ການຄ້າລະຫວ່າງບັນດາປະເທດມີຄວາມສະດວກ.ເຊິ່ງການກະທຳນີ້ແມ່ນບາດກ້າວອັນສຳຄັນໃນການສ້າງຕັ້ງປະຊາຄົມເສດຖະກິດອາຊຽນໃນປີ2015.
ຂ່າວແຈ້ງວ່າ,ປັດຈຸບັນ,ທົ່ວໂລກໄດ້ມີກົມພາສີອາກອນຂອງ200ກວ່າປະເທດແລະເຂດແຄວ້ນໃຊ້ລະບົບລະຫັດການຄ້າໃໝ່,ແຍກປະເພດສິນຄ້າໃຫ້ການຄ້າສາກົນ.ຕາມຂ່າວໃຫ້ຮູ້,ສິນຄ້າຂາເຂົ້າຂາອອກລ້ວນແຕ່ມີສະຫັດພາສີອາກອນທີ່ມີແປດຕົວເລກ,ປະເທດຕ່າງກັນເກັບອັດຕາພາສີຕ່າງກັນຕໍ່ສິນຄ້າຊະນິດດຽວກັນ,ອັດຕາພາສີຕ່າງກັນຕໍ່ສິນຄ້າຕ່າງກັນ.ເຊັ່ນ,ລະຫັດພາສີຂອງນໍ້າດື່ມແຮ່ທາດແມ່ນ22011000,ລະຫັດພາສີຂອງເຫຼົ້າຝອດອາກາດແມ່ນ22041000,ນໍ້າດື່ມແຮ່ທາດສົ່ງເຂົ້າສິງກະໂປບໍ່ຕ້ອງເສຍພາສີ,ແຕ່ເຫຼົ່າຝອດອາກາດຕ້ອງເສຍພາສີ.ສິນຄ້າກ່ຽວຂ້ອງຂອງປະເທດອື່ນກໍ່ໃຊ້ລະຫັດຄືກັນ,ແນວນີ້ຈຶ່ງຈະສາມາດຍົກສູງຄວາມໂປ່ງໃສຂອງສິນຄ້າຂາເຂົ້າຂາອອກ,ເພື່ອເຮັດໃຫ້ນັກທຸລະກິດການຄ້າຢັ້ງຢືນສິນຄ້າກ່ຽວຂ້ອງວ່າຕ້ອງເສຍພາສີຫຼືບໍ່,ແລະມີອັດຕາພາສີບູລິມະສິດພາຍໃຕ້ສົນທິສັນຍາການຄ້າເສລີຕ່າງກັນຫຼືບໍ່.
ນອກນີ້,ໃນເວລາບັນດາປະເທດພາສີແລະປະເທດໃນພາກພື້ນມຶ່ງເຈລະຈາເຊັນສັນຍາການຄ້າເສລີແລະສົນທິສັນຍາພາສີອາກອນ,ຈະຖືລະບົບສະຫັດນີ້ເປັນບ່ອນອີງ.ກົມພາສີອາກອນບັນດາປະເທດກໍ່ສາມາດໃຊ້ລະຫັດນີ້ຕິດຕາມການຈໍລະຈອນຂອງສິນຄ້າຂາເຂົ້າຂາອອກທີ່ກ່ຽວຂ້ອງ,ເພື່ອຮັບປະກັນອາຫານທີ່ປອດໄພ,ສາທາລະນະສຸກ,ການອະນຸລັກສິ່ງແວດລ້ອມແລະເພີ່ມທະວີວຽກງານປ້ອງກັນການກໍ່ການຮ້າຍເປັນຕົ້ນ.
ລະບົບລະຫັດພາສີອາກອນໃໝ່ຂອງອາຊຽນ2012ແມ່ນຫົວໜ້າກົມພາສີອາກອນຂອງປະເທດພາຄີໄດ້ກເຊັນກັນໃນເດືອນມິຖຸນາປີ2010.ຕາມຊາບຂ່າວ,ລະບົບເວບໄຊ້ຂອງສິງກະໂປຈະຍົກສູງຂຶ້ນ,ແລະເລີ່ມແຕ່ວັນທີ1 ມັງກອນນີ້ປີ2012ເປັນຕົ້ນໄປ,ໃນເວລານັ້ນຈະເຜີຍແຜ່ສະບັບທີ່ມີລະບົບລະຫັດພາສີໃໝ່ຂອງອາຊຽນ,ຈະເຮັດໃຫ້ການເກັບພາສີອາກອນແລະການຄ້າລະຫວ່າງປະເທດມີຄວສະດວກແລະວ່ອງໄວກວ່າເກົ່າ.
