ຕາມຂ່າວສານຊິນຮວາ: ວັນທີ 2 ທັນວານີ້, ໂຄສົກວິສາຫະກິດພະລັງງານນີວເຄຼຍແຫ່ງໜຶ່ງຂອງຣັດເຊຍກ່າວວ່າ, ຜູ່ຊ່ຽວຊານຣັດເຊຍໄດ້ເລິ່ມຊ່ວຍເຫຼືອຫວຽດນາມສ້າງໂຮງງານໄຟຟ້ານີວເຄຼຍນິງທວນ.
ຂ່າວສານຣັດເຊຍລາຍງານວ່າ, ນີ້ແມ່ນອີງຕາມສັນຍາສະບັບໜຶ່ງທີ່ລັດຖະບານຣັດເຊຍໄດ້ເຊັນກັບຫວຽດນາມ, ຄາດວ່າໂຮງງານໄຟຟ້ານີວເຄຼຍນິງທວນຈະສ້າງສຳເລັດກ່ອນປີ2020. ໂຮງງານໄຟຟ້ານີວເຄຼຍແຫ່ງນີ້ຈະມີເຄື່ອງຈັກຜະລິດໄຟຟ້າສອງໜ່ວຍ, ຫຼັງຈາກສ້າງສຳເລັດແລ້ວ, ຈະສາມາດຕອບສະໜອງຄວາມຕ້ອງການໄຟຟ້າໃຫ້ຫວຽດນາມ,ພ້ອມທັງເພິ່ມທະວີຄວາມປອດໄພດ້ານພະລັງງານ ແລະ ຍົກສູງເຕັກນິກພະລັງງານນີວເຄຼຍຂອງຫວຽດນາມ.
