ຕາມຂ່າວCRI: ວັນທີ 3 ທັນວານີ້, ສື່ມວນຊົນທາງການມຽນມາລາຍງານວ່າ, ເປັນເທື່ອທຳອິດທີ່ທ່ານອູເທັນເຊັນ ປະທານາທິບໍດີມຽນມາໄດ້ເຊັນດຳລັດອະນຸມັດໃຫ້ມວນຊົນສາມາດຈັດຕັ້ງໂຮມຊຸມນຸມໂດຍສັນຕິໄດ້.
ບົດລາຍງານຂຽນວ່າ, ດຳລັດສະບັບໃໝ່ນີ້ຮຽກຮ້ອງໃຫ້ຜູ່ປະທ້ວງສະເໜີຄຳຮ້ອງຂໍກ່ອນຢ່າງໜ້ອຍ 5 ມື້, ຖ້າຖືກປະຕິເສດ, ສາມາດອຸທອນໄດ້. ສະຖານທີ່ຈັດງານຊຸມນຸມຕ້ອງຫຼີກເວັ້ນຈາກອົງການຈັດຕັ້ງລັດຖະບານ, ສະຖານທູດ, ໂຮງຮຽນ ແລະ ໂຮງໝໍ. ສະພາມຽນມາໄດ້ອະນຸດມັດກົດໝາຍດັ່ງກ່າວໃນວັນທີ 24 ພະຈິກແລ້ວນີ້, ການລົງນາມຂອງທ່ານອູເທັນເຊັນມີຄວາມໝາຍວ່າກົດໝາຍມີຜົນບັງຄັບໃຊ້ແລ້ວ. ກ່ອນໜ້ານີ້, ມຽນມາຫ້າມບໍ່ໃຫ້ປະຊາຊົນຈັດຕັ້ງການໂຮມຊຸມນົມ, ແຕ່ມາດຕະການໃໝ່ແມ່ນບາດກ້າວໜຶ່ງຂອງມາດຕະການຕ່າງໆໃນການປະຕິຮູບ ທີ່ລັດຖະບານມຽນມາສະເໜີອອກໃນຫວ່າງມໍ່ໆນີ້.
ແຕ່ເດືອນຕຸລາປີນີ້ເປັນຕົ້ນມາ, ມຽນມາເຫັນດີໃຫ້ຈັດຕັ້ງສະຫະພັນກຳມະບານແລະຈັດການນັດຢຸດງານ, ນີ້ກໍ່ແມ່ນມຽນມາອະນຸຍາດໃຫ້ນັດຢຸດງານເປັນເທື່ອທຳອິດນັບແຕ່ປີ1962ເປັນຕົ້ນມາ.
