ເມື່ອບໍ່ດົນມາ, ໃນເວລາເຂົ້າຮ່ວມງານລ້ຽງຂອບໃຈທ້າຍປີ2011ຂອງສະພາອຸດສາມະກຳການຄ້າຈີນ-ອາເມລິກາ, ທ່ານເສິນເຕີ໋ໝີງ ລັດຖະມົນຕີວ່າການກະຊວງການຄ້າຈີນກ່າວວ່າ, ສອງປະເທດຈີນ-ອາເມລິກາມີຄວາມຕ້ອງການໃນການຮ່ວມມືກັນຢ່າງຫຼວງຫຼາຍ ແລະ ມີຊ່ອງທາງການຕະຫຼາດອັນກວ້າງຂວາງ. ຫວັງວ່າສອງຝ່າຍຈະເລັງໃສ່ອະນາຄົດ, ມີແນວຄິດປະດິດສ້າງແນວຄິດ, ເພື່ອເພິ່ມທະວີການຮ່ວມມື, ພ້ອມກັນສະແຫວງຫາການພັດທະນາ. ທ່ານຍັງສະເໜີຂໍ້ສະເໜີ 4 ຂໍ້ຕໍ່ການຮ່ວມມືຈີນ-ອາເມລິກາ.
ອີງຕາມເນື້ອໃນເວັບໄຊທາງການຂອງກະຊວງການຄ້າຈີນທີ່ປະກາດໃນວັນທີ 4 ທັນວານີ້, ຂໍ້ສະເໜີ 4 ຂໍ້ຂອງທ່ານເສີນເຕີ໋ໝີງແມ່ນ: ເປີດກວ້າງການສົ່ງອອກຂອງອາເມລິກາຕໍ່ຈີນ, ເປີດກວ້າງການລົງທຶນລະຫວ່າງສອງຝ່າຍ,ບຸກເບີກໃນຂົງເຂດການຮ່ວມມືໃໝ່, ເພິ່ມທະວີການຮ່ວມມືໃນດ້ານກໍ່ສ້າງພື້ນຖານໂຄງລ່າງ.
ທ່ານເສີນຕີ໋ໝີງກ່າວເນັ້ນວ່າ, ການຄ້າຈີນ-ອາເມລິກາບໍ່ດຸນດຽງກັນແມ່ນມີລັກນະນະອົງປະກອບ. ການທີ່ແກ້ໄຂບັນຫາຂໍກະແຈບໍ່ແມ່ນຈຳກັດການນຳເຂົ້າຜະລິດຕະພັນສິນຄ້າຈາກຈີນ, ຫາກແມ່ນຜ່ອນຍານຕໍ່ການຄວບຄຸມການສົ່ງອອກຕໍ່ຈີນ, ເປີດກວ້າງໃຫ້ອາເມລິກາສົ່ງອອກຜະລິດຕະພັນທາງດ້ານເຕັກນິກເທັກໂນໂລຊີສູງທີ່ມີທ່າແຮງແຂ່ງຂັນຕໍ່ຈີນ.
