ຈີນຈະຮ່ວມມືກັບປະເທດທີ່ພວມພັດທະນາໃນ 4 ດ້ານ ເພື່ອຮັບມືກັບການປ່ຽນແປງຂອງດິນຟ້າອາກາດ
(GMT+08:00) 2011-12-06 10:55:43 cri
ວັນທີ 5 ທັນວານີ້,ໃນກອງປະຊຸມຫົວຂໍ້"ປະເທດຈີນ"ໃນການຮ່ວມມືໃຕ້-ໃຕ້ເພື່ອຮັບມືກັບການປ່ຽນແປງຂອງດິນຟ້າອາກາດທີ່ຈັດຂຶ້ນຢູ່ທີ່ນະຄອນເດີບານຂອງປະເທດອາຟຼິກາໃຕ້,ທ່ານເຊ້ຍເຈິ້ນຮວາ,ຫົວຫນ້າຄະນະຜູ່ແທນຈີນທີ່ເຂົ້າຮ່ວມກອງປະຊຸມຄັ້ງນີ້ກ່າວວ່າ,ໃນຕໍ່ຫນ້ານີ້,ລັດຖະບານຈີນຈະລົງເລິກຮ່ວມມືກັບປະເທດທີ່ພວມພັດທະນາໃນ4 ດ້ານເພື່ອຮັບມືກັບການປ່ຽນແປງຂອງດິນຟ້າອາກາດ.
ໃນ4ດ້ານນີ້ລວມມີການກໍ່ສ້າງໂຄງການພື້ນຖານໂຄງລ່າງທີ່ສອດຄ່ອງກັບການປ່ຽນແປງຂອງດິນຟ້າອາກາດ;ການເຜີຍແຜ່ເຕັກນິກທີ່ສອດຄ່ອງກັບການປ່ຽນແປງຂອງດິນຟ້າອາກາດ;ການເຜີຍແຜ່ແລະນຳໃຊ້ເຕັກນິກຂອງຜະລິດຕະພັນທີ່ປະຢັດພະລັງງານແລະພະລັງງານຫມູນວຽນພ້ອມດ້ວຍການ ດຳເນີນໂຄງການສ້າງຄວາມສາມາດສຳລັບຄວາມຕ້ອງການຂອງປະເທດທີ່ພວມພັດທະນາ.
ໃນກອງປະຊຸມຂ່າວທີ່ຈັດຂຶ້ນໃນມື້ດຽວກັນ,ທ່ານເຊ້ຍເຈິ້ນຮວາຍັງຊີ້ອອກວ່າ,ໃນເວລາສຳເລັດການປະຕິບັດຄຳຫມັ້ນສັນຍາໄລຍະທີຫນຶ່ງຂອງອະນຸສັນຍາກຽວໂຕ, ຄວນປະເມີນສະພາບການປະຕິບັດຕາມຄຳຫມັ້ນສັນຍາຂອງປະເທດທີ່ພັດທະນາແລ້ວໃນການຫຼຸດການລະບາຍອາຍພິດເຮືອນແກ້ວໃຫ້ຫນ້ອຍລົງ. ບົນພື້ນຖານທີ່ຈັດຕັ້ງປະຕິບັດສັນຍາທີ່ມີການຜູກມັດດ້ານກົດຫມາຍ,ປຶກສາຫາລືການກະທຳທີ່ຮັບມືກັບການປ່ຽນແປງຂອງດິນຟ້າອາກາດຫຼັງຈາກປີ2020.ບົນພື້ນຖານການປະເມີນຕາມຫຼັກວິທະຍາສາດ, ຕົກລົງເຊັນສັນຍາກ່ຽວກັບການຫຼຸດການລະບາຍອາຍພິດເຮືອນແກ້ວໃຫ້ຫນ້ອຍລົງຫຼັງປີ2020ໂດຍໄວເທົ່າທີ່ຈະໄວໄດ້.
