ໃນ5ປີຕໍ່ໜ້າ,ຈີນຈະສົ່ງດາວທຽມ100ກວ່າໜ່ວຍຂຶ້ນສູ່ອະວະກາດ
(GMT+08:00) 2011-12-06 16:04:57 cri
ກຸ່ມບໍລິສັດເຕັກໂນໂລຊີການບິນອະວະກາດຈີນແຈ້ງໃຫ້ຊາບໃນວັນທີ6ທັນວານີ້ວ່າ,ໃນໄລຍະປະຕິບັດແຜນການພັດທະນາເສດຖະກິດສັງຄົມ5ປີຄັ້ງທີ12ແຕ່ປີ2011ຫາ2015,ກຸ່ມບໍລິສັດນີ້ຈະສົ່ງດາວທຽມຫຼືຍານອະວະກາດແລະຍານສຳຫຼວດອະວະກາດຢ່າງໜ້ອຍ100ໜ່ວຍຂຶ້ນສູ່ອະວະກາດ,ໃນນັ້ນ,ສ່ວນຫຼາຍແມ່ນຈີນເປັນຜູ່ຜະລິດແລະນຳໃຊ້ເອງ,ສ່ວນທີ່ເຫຼືອນັ້ນແມ່ນຈະຕອບສະໜອງຄວາມຕ້ອງການຂອງຕະຫຼາດສາກົນ.
ນັບແຕ່ສົ່ງດາວທຽມ"ອາຊີເລກ1"ທີ່ຄົ້ນຄວ້າຜະລິດໂດຍບໍລິສັດHughsອາເມລິກາເມື່ອປີ1990ມາຮອດປະຈຸບັນ,ຈີນໄດ້ໃຊ້ຈະຫຼວດສົ່ງຍານ"ສາງເຈິ່ງ"7ແບບໃນການສົ່ງດາວທຽມເພື່ອຈຸດປະສົງທາງທຸລະກິດໃນສາກົນຂຶ້ນສູ່ອະວະກາດ30ເທື່ອ,ໄດ້ສົ່ງດາວທຽມ36ໜ່ວຍເພື່ອ14ປະເທດແລະເຂດແຄວ້ນໃນໂລກ,ແລະສຳເລັດໜ້າທີ່ການໃຫ້ບໍລິການສົ່ງຍານຂຶ້ນສູ່ອະວະກາດ6ເທື່ອ.
ໃນຂະນະທີ່ສົ່ງດາວທຽມຂຶ້ນສູ່ອະວະກາດນັ້ນ,ຈີນຍັງໄດ້ເຊັນສັນຍາສົ່ງອອກດາວທຽມກັບຫຼາຍປະເທດເຊັ່ນປາກີສະຖານແລະລາວ,ສົ່ງອອກອຸປະກອບທົດລອງການບິນອະວະກາດໃຫ້ຣັດເຊຍແລະໃຫ້ການບໍລິການຝຶກອົບຮົມເຕັກນິກແກ່ນີເຊຣີ,ປາກີສະຖານແລະປະເທດອື່ນໆອີກ.
