ວັນທີ5ທັນວານີ້, ແມ່ນວັນອາສາສະໝັກສາກົນຄົບຮອບ26ປີ, ອາສາສະໝັກໃນບາງເຂດຂອງຈີນໄດ້ສະແດງນໍ້າໃຈບໍລິການແບບສະໝັກໃຈດ້ວຍການກະທໍາຕົວຈິງ, ເພື່ອລະລຶກວັນອາສາສະໝັກໃນທົ່ວໂລກ.
ຢູ່ເມືອງອູຮ້ານແຂວງຫູເປີຍທີ່ຢູ່ພາກກາງຂອງຈີນ, ອາສາສະໝັກຈໍານວນຫລາຍໄດ້ດໍາເນີນການບໍລິການແບບສະໝັກໃຈຢູ່ເຂດຊຸມຊົນເຊັ່ນ,ການປິ່ນປົວພະຍາດແລະຮັກສາສຸຂະພາບ,ການສ້ອມແປງເຄື່ອງໃຊ້ໄຟຟ້າໃນເຮືອນ,ການຕິດຕາມກວດກາສະພາບມົນລະພິດທາງອາກາດໃນເຮືອນ, ການໂຄສະນາຄວາມປອດໄພທາງອາຫານແລະອື່ນໆ.ຢູ່ແຂວງກຸ້ຍໂຈວທີ່ຢູ່ພາກຕາເວັນຕົກສຽງໃຕ້ຂອງຈີນ, ມີອາສາສະໝັກເກືອບ1ແສນຄົນໄປໃຫ້ການບໍລິການຢູ່ເຮືອນພັກຄົນຊະລາ, ໂຮງຮຽນຂອງລູກຊາວກະສິກອນທີ່ໄປເຮັດວຽກຢູ່ຕົວເມືອງເປັນຕົ້ນ, ເພື່ອໃຫ້ການຊ່ວຍເຫລືອທາງດ້ານຈິດໃຈ, ການປະກອບວິຊາອາຊີບ,ການສິດສອນແລະອື່ນໆໃຫ້ແກ່ຜູ້ອາຍຸສູງທີ່ບໍ່ມີລູກຫລານຢູ່ນໍາ, ຄົນພິການ, ເດັກນ້ອຍທີ່ພໍ່ແມ່ໄປເຮັດວຽກຢູ່ຕ່າງເມືອງຕ່າງແຂວງແລະປະຊາຊົນໃນເຂດຊຸມຊົນ. ນອກນີ້, ນະຄອນກວາງໂຈວແຂວງກວາງຕຸ້ງໄດ້ອອກນະໂຍບາຍດ້ານການພັດທະນາວຽກງານບໍລິການແບບສະໝັກໃຈ, ພະຍາຍາມຊຸກຍູ້ໃຫ້ມີອາສາສະໝັກມາລົງທະບຽນຫລາຍກວ່າ2ລ້ານຄົນພາຍໃນ3ຫລື5ປີ.
ປະຈຸບັນ, ຈີນມີອາສາສະໝັກຊາວໜຸ່ມທີ່ໄດ້ລົງທະບຽນແລ້ວ33ລ້ານ9ແສນ2ໝື່ນຄົນ, ໄດ້ສ້າງສູນບໍລິການອາສາສະໝັກ1ແສນ7ໝື່ນ5ພັນແຫ່ງ.
