ກອງປະຊຸມສາກົນບັນຫາອັຟການີສະຖານທີ່ຈັດຂຶ້ນໃນວັນທີ5ທັນວານີ້ຢູ່ນະຄອນບອນຂອງເຢຍລະມັນໄດ້ຮັບຮອງມະຕິສະບັບນຶ່ງ, ໃຫ້ຄໍາໝັ້ນສັນຍາວ່າ,ພາຍຫລັງທະຫານຕ່າງປະເທດຖອນອອກຈາກອັຟການີສະຖານແລ້ວ, ປະຊາຄົມໂລກຈະສືບຕໍ່ໃຫ້ຄວາມຊ່ວຍເຫລືອທາງທະຫານແລະເສດຖະກິດໃຫ້ແກ່ອັຟການີສະຖານ, ເພື່ອຮັບປະກັນສະຖານະການໃນອັຟການີສະຖານມີຄວາມໝັ້ນຄົງກ້າວໜ້າ.
ທ່ານຢາງເຈຊື,ລັດຖະມົນຕີວ່າການກະຊວງການຕ່າງປະເທດຈີນໄດ້ເຂົ້າຮ່ວມກອງປະຊຸມແລະກ່າວຄໍາປາໄສ, ທ່ານກ່າວວ່າ, ຈີນຈະສືບຕໍ່ຊ່ວຍເຫລືອອັຟການີສະຖານສ້າງສາຄືນໃໝ່ໂດຍສັນຕິດ້ວຍການກະທໍາຕົວຈິງ, ປະກອບສ່ວນຕາມຄວາມເໝາະສົມເພື່ອເຮັດໃຫ້ອັຟການີສະຖານບັນລຸເປົ້າໝາຍສັນຕິພາບ, ຄວາມມີສະຖຽນລະພາບ, ເອກະລາດແລະການພັດທະນາຢ່າງແທ້ຈິງ.
