ເນື່ອງໃນໂອກາດຈີນເຂົ້າເປັນສະມາຊິກອົງການການຄ້າໂລກຫລືWTO, ໃນເວລາໃຫ້ສໍາພາດຕໍ່ນັກຂ່າວ, ທ່ານປັສການ ລາມີ,ຜູ້ອໍານວຍການໃຫຍ່WTOກ່າວວ່າ, ຈີນເຂົ້າເປັນສະມາຊິກWTOໄດ້ສະແດງໃຫ້ເຫັນການພົວພັນການຄ້າທີ່ຕ່າງຝ່າຍຕ່າງມີຜົນປະໂຫຍດເປັນຢ່າງດີ.
ທ່ານລາມີກ່າວວ່າ, ການທີ່ຈີນເຂົ້າເປັນສະມາຊິກWTO,ໄດ້ເພີ່ມໂອກາດໃຫ້ວິສາຫະກິດຈີນໃນການເຊື່ອມໂຍງເຂົ້າກັບລະບົບການຄ້າໂລກ, ໄດ້ຮັບປະກັນຜົນປະໂຫຍດຂອງວິສາຫະກິດຈີນ. ພ້ອມກັນນີ້, ກໍໄດ້ສ້າງໂອກາດໃຫ້ທຶນຕ່າງປະເທດໄຫລເຂົ້າສູ່ຈີນ, ເພີ່ມຄວາມໝັ້ນໃຈໃຫ້ແກ່ການລົງທຶນຕ່າງປະເທດເຂົ້າສູ່ຕະຫລາດຈີນ. ຈີນເຂົ້າເປັນສະມາຊິກWTO,ກໍໄດ້ສ້າງຜົນປະໂຫຍດໃຫ້ແກ່ອາເມລິກາ,ເອີລົບແລະສະມາຊິກWTOອື່ນໆ.
ທ່ານລາມີຍັງກ່າວວ່າ, ໃນດ້ານການປະຕິບັດຕາມພັນທະຂອງWTO, ຈີນປະຕິບັດໄດ້ດີຫລາຍ, ແຕ່ຍັງບໍ່ສົມບູນແບບເທື່ອ. ແຕ່ທ່ານເຫັນວ່າ, ປະຈຸບັນ, ຍັງບໍ່ມີປະເທດສະມາຊິກໃດໆສາມາດເຮັດໄດ້ຢ່າງສົມບູນແບບເທື່ອ.
