ຕາມຂ່າວຈາກເວັບໄຊກະຊວງການຄ້າຈີນ: ຜົນສະຖິຕິອິນໂດເນເຊຍສະແດງໃຫ້ເຫັນວ່າ, ນັບແຕ່ປີນີ້ເປັນຕົ້ນມາ, ຍອດມູນຄ່າການສົ່ງອອກສິນຄ້າຂອງອິນໂດເນເຊຍຕໍ່ຈີນໄດ້ເພິ່ມຂຶ້ນຢ່າງຕໍ່ເນື່ອງ,ນີ້ເປັນຂີດໝາຍສະແດງໃຫ້ເຫັນວ່າການຄ້າລະຫວ່າງສອງປະເທດນັບມື້ນັບໄດ້ຮັບຄວາມດຸນດຽງກັນ. ການຄ້າລະຫວ່າງອິນໂດເນເຊຍກັບຈີນໃນເດືອນຕຸລາປີນີ້, ອິນໂດເນເຊຍໄດ້ປຽບດຸນການຄ້າ 169 ລ້ານໂດລາ, ຕາມຕົວເລກສະຖິຕິຂອງອິນໂດເນເຊຍ, ອິນໂດເນເຊຍໄດ້ປຽບດຸນການຄ້າເປັນເທື່ອທຳອິດໃນການຄ້າລະຫວ່າງສອງປະເທດ.
ທ່ານຮັດທາ ຣາຈາຊາ ລັດຖະມົນຕີວ່າການກະຊວງວາງແຜນເສດຖະກິດອິນໂດເນເຊຍກ່າວວ່າ, ອິນໂດເນເຊຍໄດ້ປຽບດຸນການຄ້າໃນການຄ້າສອງຝ່າຍໃນເດືອນຕຸລາແລ້ວນີ້ເປັນຂີດໝາຍສະແດງໃຫ້ເຫັນວ່າ, ການຄ້າລະຫວ່າງອິນໂດເນເຊຍກັບຈີນພວມນັບມື້ນັບໄດ້ຮັບຄວາມດຸນດຽງ, ແລະເປັນການນຳໃຊ້ການກະທຳຕົວຈິງຕອບໂຕ້ການກະທຳທີ່ເຂົ້າໃຈຜິດຂອງຄົນອິນໂດເນເຊຍຈຳນວນໜຶ່ງທີ່ກ່ອນໜ້ານີ້ໄດ້ສະກັດກັ້ນເຂດການຄ້າເສລີຈີນ-ອາຊຽນ ແລະ ກ່າວວ່າ"ການຄ້າແບບເສລີອິນໂດເນເຊຍ-ຈີນທຳລາຍຜົນປະໂຫຍດຂອງອິນໂດເນເຊຍ".
