ຕາມຂ່າວCRI:ຕອນເຊົ້າວັນທີ 6 ທັນວານີ້,ຢູ່ວິທະຍາຄານນາຍທະຫານບົກກອງທັບປະຊາຊົນລາວ,ໄດ້ຈັດພິທີມອບຮັບສະໜາມຫັດແອບກອງທັບປະຊາຊົນລາວຢ່າງຄຶກຄື້ນ.ທ່ານພົນໂທ ດວງໃຈ ພິຈິດ,ຮອງນາຍົກລັດຖະມົນຕີທັງເປັນລັດຖະມົນຕີກະຊວງປ້ອງກັນປະເທດແຫ່ງສ.ປ.ປ.ລາວ,ທ່ານພົນຕີ ສັນຍາຮັກ ພົມວິຫານ,ລັດຖະມົນຕີຊ່ວຍວ່າການກະຊວງປ້ອງກັນປະເທດແຫ່ງສ.ປ.ປ.ລາວ,ທ່ານພົນໂທ ໄຊຢິງຖິງ,ຮອງຫົວໜ້າກົມໃຫຍ່ເສນາທິການກອງທັບປົດປ່ອຍປະຊາຊົນຈີນທີ່ພວມຢ້ຽມຢາມລາວ,ທ່ານນາງປູຈ້ຽນກົວ,ເອກອັກຄະລັດຖະທູດວິສາມັນຜູ້ມີອຳນາດເຕັມແຫ່ງສ.ປ.ຈີນປະຈຳສ.ປ.ປ.ລາວແລະຜູ້ນຳສອງກອງທັບທ່ານອື່ນໆໄດ້ໃຫ້ກຽດເຂົ້າຮ່ວມພິທີດັ່ງກ່າວ.
ໃນພິທີມອບຮັບ,ທ່ານພົນໂທ ໄຊຢິງຖິງກ່າວວ່າ,ສະໜາມຫັດແອບກອງທັບປະຊາຊົນລາວແມ່ນຂອງຂວັນອັນລ້ຳຄ່າທີ່ກອງທັບປົດປ່ອຍປະຊາຊົນຈີນມອບໃຫ້ແກ່ກອງທັບປະຊາຊົນລາວ,ແມ່ນໝາກຜົນແຫ່ງການຮ່ວມມືແລະມິດຕະພາບທີ່ມີມູນເຊື້ອລະຫວ່າງສອງກອງທັບຈີນລາວ.
ທ່ານພົນຕີ ສັນຍາຮັກ ພົມວິຫານກ່າວວ່າ,ກະຊວງປ້ອງກັນປະເທດແຫ່ງສ.ປ.ປ.ລາວຈະມອບສະໜາມຫັດແອບກອງທັບແຫ່ງນີ້ໃຫ້ແກ່ວິທະຍາຄານນາຍທະຫານບົກກອງທັບປະຊາຊົນລາວແລະໃຫ້ວິທະຍາຄານດັ່ງກ່າວຄຸ້ມຄອງແລະນຳໃຊ້ເປັນຢ່າງດີ,ເພື່ອຍົກລະດັບສູ້ຮົບຂອງກອງທັບປະຊາຊົນລາວໃຫ້ສູງຂຶ້ນ.
ສະໜາມຫັດແອບກອງທັບປະຊາຊົນລາວແມ່ນຊ່ວຍເຫຼືອກໍ່ສ້າງໂດຍກະຊວງປ້ອງກັນປະເທດແຫ່ງສ.ປ.ຈີນ,ເປັນສະໜາມຫັດແອບກອງທັບທີ່ມີຄຸນປະໂຫຍດສູງ.
