ຕາມຂ່າວCRI: ກອງປະຊຸມບັນດາລັດພາຄີ ສົນທິສັນຍາຂອບການປ່ຽນແປງຂອງດິນຟ້າອາກາດສະຫະປະຊາດຄັ້ງທີ17 ແລະກອງປະຊຸມໄລຍະທີສອງຂອງອະນຸສັນຍາກຽວໂຕຄັ້ງທີ7ໄດ້ໄຂຂຶ້ນຢູ່ທີ່ນະຄອນເດີບານຂອງປະເທດອາຟຼິກາໃຕ້ໃນຕອນບ່າຍວັນທີ6 ທັນວານີ້.
ນີ້ເປັນຂີດຫມາຍສະແດງໃຫ້ເຫັນວ່າກອງປະຊຸມກ່ຽວກັບການປ່ຽນແປງຂອງດິນຟ້າອາກາດຄັ້ງນີ້ໄດ້ເຂົ້າສູ່ໄລຍະທີ່ຫຍຸ້ງຍາກກວ່າເກົ່າ, ຫົວຫນ້າ ລັດຖະບານທີ່ມາຈາກ 12 ປະເທດ ແລະລັດຖະມົນຕີຂອງ100 ກວ່າປະເທດໃນທົ່ວໂລກຈະເຂົ້າຮ່ວມກອງປະຊຸມເທື່ອນີ້,ເພື່ອປຶກສາຫາລືກັນກ່ຽວກັບບັນຫາສຳຄັນທີ່ເປັນຂໍກະແຈໃນການແກ້ໄຂບັນຫາຍັງບໍ່ໄດ້ຮັບຄວາມຄືບຫນ້າຢ່າງແທ້ຈິງໃນປະຈຸບັນ.
ກອງປະຊຸມສະຫະປະຊາຊາດກ່ຽວກັບການປ່ຽນແປງຂອງດິນຟ້າອາກາດຄັ້ງນີ້ໄດ້ຈັດຂຶ້ນແຕ່ວັນທີ 28 ພະຈິກຜ່ານມາ,ແລະຈະດຳເນີນໄປຮອດວັນທີ 9 ທັນວານີ້. ໃນອາທິດຂອງການດຳເນີນກອງປະຊຸມ,ສະຫະພາບເອີລົບຫຼືEUໄດ້ສະເຫນີແຜນການເດີບານ ,ຄືຈະເຊັນສັນຍາສະບັບຫນຶ່ງກ່ຽວກັບປະເທດຕົ້ນຕໍທັງຫມົດໃນການລະບາຍອາຍພິດເຮືອນແກ້ວຊຶ່ງລວມມີອາເມລິກາແລະອົງກອນເສດຖະກິດຈະເລີນໃຫມ່ລ້ວນແຕ່ຮັບຜິດຊອບຕົວເລກດັດຊະນີຫຼຸດການລະບາຍອາຍພິດເຮືອນແກ້ວໃຫ້ຫນ້ອຍລົງກ່ອນປີ 2015,ແລະຈະໄດ້ມີຜົນບັງຄັບໃຊ້ໃນປີ2020. ແຕ່ວ່າປະເທດທີ່ພວມພັດທະນາຊຶ່ງລວມມີຈີນ，ອິນເດຍ， ເບຼຊິນແລະອາຟຼິກາໃຕ້ຕ່າງກໍ່ເຫັນວ່າ,ຫນ້າທີ່ທີ່ຮີບດ່ວນທີ່ສຸດກໍ່ແມ່ນຈັດຕັ້ງປະຕິບັດສິດຈາກແຜນການບາຫຼີ,ຍຶດຫມັ້ນຂະບວນ ການເຈລະຈາສອງຂົງເຂດຄື: ຍຸດທະສາດແລະເສດຖະກິດ,ຍຶດຫມັ້ນອະນຸສັນຍາກຽວໂຕພ້ອມດ້ວຍຄຳຫມັ້ນສັນຍາໄລຍະທີສອງ,ແລະຈັດຕັ້ງປະຕິບັດເງິນທຶນກ່ຽວກັບການປ່ຽນແປງຂອງດິນຟ້າອາກາດສີຂຽວ.
