ຂ່າວສານຊີນຮວາພິມບົດຄວາມຊີ້ອອກວ່າ, ຈີນໄດ້ສະແດງໃຫ້ເຫັນຄວາມຈິງໃຈຫຼາຍທີ່ສຸດເພື່ອກອບກູ້ອະນຸສັນຍາກຽວໂຕ
(GMT+08:00) 2011-12-07 13:10:54 cri
ວັນທີ6ທັນວານີ້, ຂ່າວສານຊີນຮວາໄດ້ພິມບົດຄວາມໂດຍຊີ້ອອກວ່າ, ຈີນໄ້ສະແດງຄວາມຈິງໃຈຫຼາຍທີ່ສຸດເພື່ອກອບກູ້ອະນຸສັນຍາກຽວໂຕ, ແຕ່ປະເທດທີ່ພັດທະນາແລ້ວຈຳນວນໜຶ່ງທີ່ດຶ້ດ້ານປະຕິເສດຫັນປ່ຽນຕົວເລກຄາດໝາຍໃນການຫຼຸດການລະບາຍອາຍພິດເຮືອນແກ້ວໃຫ້ເຫັນຕົວເລກລະອຽດນັ້ນຄວນສຳນຶກຜິດ, ປະຕິບັດຕາມຄວາມຮັບຜິດຊອບດ້ານປະຫວັດຂອງຕົນຢ່າງແທດເໝາະກັບຕົວຈິງ, ພິຈາລະນາເຖິງອະນາຄົດຂອງຕົນກໍ່ຄືມວນມະນຸດຢ່າງແທ້ຈິງ.
ບົດຄວາມຂຽນວ່າ, ວັນທີ5ທັນວານີ້, ທ່ານເຊ້ເຈີ້ນຮວາ, ຫົວໜ້າຄະນະຜູ້ແທນຈີນທີ່ເຂົ້າຮ່ວມກອງປະຊຸມສະຫະປະຊາຊາດກ່ຽວກັບການປ່ຽນແປງຂອງດິນຟ້າອາກາດທີ່ເດີບັນກ່າວວ່າ, ຈີນຍິນດີຮັບເອົາສັນຍາຫຼຸດການລະບາຍອາຍພິດເຮືອນແກ້ວແບບເປັນຕົວເລກລະອຽດຫຼັງປີ2020ຢ່າງມີເງື່ອນໄຂ, ເຊິ່ງໄດ້ພາໃຫ້ເກີດມີສຽງຕອບບໍ່ໜ້ອຍໃນກອງປະຊຸມເດີບັນ, ບໍ່ວ່າປະເທດທີ່ພັດທະນາແລ້ວຫຼືປະເທດທີ່ພວມພັດທະນາ, ລ້ວນແຕ່ໄດ້ຮັບຮູ້ຄວມຈິງໃຈອັນໃຫຍ່ຫຼວງຂອງຈີນໃນການກອບກູ້ອະນຸສັນຍາກຽວໂຕແລະຮັກສາກົນໄກຫຼາຍຝ່າຍເພື່ອຮັບມືກັບການປ່ຽນແປງຂອງດິນຟ້າອາກາດ.
ບົດຄວາມຂຽນວ່າ, ໃນຖານະເປັນປະເທດທີ່ພວມພັດທະນາທີ່ມີGDPສະເລ່ຍຕາມຫົວຄົນພຽງແຕ່4000ໂດລາເທົ່ານັ້ນ, ຈີນຕັ້ງຈຸດຢືນນຳຊັບພະຍາກອນຂອງປະເທດຕົນ, ທຳຄວາມພະຍາຍາມອັນໃຫຍ່ຫຼວງເພື່ອຮັບມືກັບການປ່ຽນແປງຂອງດິນຟ້າອາກາດ. ຈີນມີປະຊາກອນຫຼາຍກວ່າ1ຕື້300ລ້ານຄົນ, ຍອດມູນຄ່າເສດຖະກິດແລະຍອດປະລິມານການລະບາຍອາຍພິດເຮືອນແກ້ວກໍ່ຫຼາຍສົມຄວນ. ແຕ່ຍອດປະລິມານອັນໃຫຍ່ຫຼວງແນວນີ້ສະເລ່ຍຕາມຕົວເລກປະຊາກອນທີ່ຍິ່ງຫຼາຍແລ້ວ, ກໍ່ເປັນຕົວເລກໜ້ອຍສົມຄວນ. ແຕ່ຫຼັງຈາກກອງປະຊຸມເດີບັນເລີ່ມຈັດຂຶ້ນເປັນຕົ້ນມາ, ບາງປະເທດທີ່ພັດທະນາແລ້ວສຸມໃສ່ຍອດປະລິມານການລະບາຍອາຍພິດເຮືອນແກ້ວຂອງອົງກອນເສດຖະກິດຈະເລີນໃໝ່, ເຊັ່ນ ຈີນເປັນຕົ້ນ.
ບົດຄວາມຂຽນວ່າ, ທ່າທີຂອງປະເທດທີ່ພັດທະນາແລ້ວເຫຼົ່ານີ້, ໄດ້ລະເມີດຫຼັກການທີ່ມີໜ້າທີ່ຮັບຜິດຊອບຮ່ວມກັນແຕ່ບໍ່ທໍ່ກັນ, ທັງບໍ່ສອດຄ່ອງກັບເຫດຜົນປົກກະຕິ. ຕ້ອງໄດ້ຮູ້ວ່າ, ປະລິມານການລະບາຍຂອງອົງກອນເສດຖະກິດຈະເລີນໃໝ່ພຽງແຕ່ເພີ່ມຂຶ້ນຄຽງຄູ່ກັບການພັດທະນາໃນບໍ່ທໍ່ໃດປີຜ່ານມາ, ສ່ວນອາຍພິດເຮືອນແກ້ວທີ່ສະສົມໄວ້ໃນຊັ້ນອາກາດຫຼັງຈາກການປະຕິວັດອຸດສາຫະ ກຳ2ສະຕະວັດມານີ້, ຜູ້ໃດມີສ່ວນຮ່ວມຫຼາຍກວ່າກໍ່ເປັນເລື່ອງຈະແຈ້ງ.
