ບໍລິສັດS&Pຢືນຢັນລະດັບການປະເມີນຜົນຕໍ່ຄວາມໜ້າເຊື່ອຖືຂອງລັດຖະບານຈີນໂດຍຄາດວ່າຈະມີຄວາມໝັ້ນທ່ຽງ
(GMT+08:00) 2011-12-07 17:12:40 cri
ວັນທີ6ທັນວານີ້,ບໍລິສັດStandard&Poor'sຫຼືS&Pທີ່ໃຫ້ບໍລິການປະເມີນຜົນຄວາມໜ້າເຊື່ອຖືໄດ້ຢືນຢັນລະດັບການປະເມີນຜົນຕໍ່ຄວາມໜ້າເຊື່ອຖືຂອງລັດຖະບານຈີນຄາດວ່າຈະມີຄວາມໝັ້ນທ່ຽງ.
ທ່ານເສິນຈິນຢົງ ນັກວິເຄາະຄວາມໜ້າເຊື່ອຖືຂອງບໍລິສັດStandard&Poor'sກ່າວວ່າ,ຈີນມີອະນາຄົດອັນສົດໃສໃນດ້ານການເຕີບໂຕທາງເສດຖະກິດ,ປະລິມານຊັບສິນພາຍນອກມີຢ່າງຫຼວງຫຼາຍແລະລັດຖະບານຕິດໜີ້ບໍ່ຫຼາຍ,ຊຶ່ງທັງໝົດເຫຼົ່ານີ້ແມ່ນປັດໄຈສຳຄັນທີ່ເຮັດໃຫ້ລັດຖະບານຈີນມີຄວາມໜ້າເຊື່ອຖື.ທ່າແຮງເຫຼົ່ານີ້ໄດ້ປັ່ນທອນທ່າອ່ອນຂອງຈີນທີ່ຍັງເປັນອົງກອນເສດຖະກິດທີ່ມີລາຍໄດ້ລະດັບກາງແລະຕ່ຳພໍສົມຄວນ.
ນອກນີ້,ບໍລິສັດStandard&Poor'sຍັງຊີ້ອອກວ່າ,ເນື່ອງຈາກວ່າຈີນມີຄັງສຳຮອງເງິນຕາຕ່າງປະເທດຢ່າງຫຼວງຫຼາຍແລະສະພາບການເງິນກໍ່ຢູ່ໃນສະພາບທີ່ດີຫຼາຍ,ສາມາດທົດແທນຄວາມເສຍຫາຍຈາກໜີ້ສິນທີ່ແອບແຝງຊ້ອນຢູ່ແລະຈະບໍ່ທຳລາຍຄວາມໜ້າເຊື່ອຖືຂອງລັດຖະບານໄດ້.
