ອາເມລິກາປະກາດເປີດສະຖານທູດອາເມລິກາປະຈຳອີຣານທາງອິນເຕີເນັດ
(GMT+08:00) 2011-12-07 17:47:56 cri
ຕາມຂ່າວສານຊິນຮວາລາຍງານວ່າ:ວັນທີ6ທັນວານີ້,ກະຊວງການຕ່າງປະເທດອາເມລິກາໄດ້ປະກາດເປີດສະຖານທູດອາເມລິກາປະຈຳອີຣານທາງອິນເຕີເນັດເພື່ອເພີ່ມທະວີການແລກປ່ຽນກັບປະຊາຊົນອີຣານ.
ທ່ານນາງວິກຕໍເຣຍ ນູແລນ ໂຄສົກກະຊວງການຕ່າງປະເທດອາເມລິກາໄດ້ອອກຖະແຫຼງການໃນວັນທີ6ທັນວານີ້ວ່າ,ປະຈຸບັນ,ອາເມລິກາແລະອີຣານບໍ່ມີການພົວພັນທາງການທູດ,ສະນັ້ນຈິ່ງບໍ່ມີໂອກາດໃນການຕິດຕໍ່ພົວພັນກັບປະຊາຊົນອີຣານ,ແຕ່ຄຽງຄູ່ກັບການເປີດສະຖານທູດອາເມລິກາປະຈຳອີຣານທາງອິນເຕີເນັດ,ອາເມລິກາຫວັງຢາກຫຼຸດຊ່ອງຫວ່າງໃຫ້ໜ້ອຍລົງ,ຊຸກຍູ້ຄວາມເຂົ້າໃຈກັນລະຫວ່າງປະຊາຊົນສອງຊາດໃຫ້ຫຼາຍຂຶ້ນ.ນາງວິກຕໍເຣຍ ນູແລນຍັງກ່າວວ່າ,ໂດຍແນໃສ່ລັດຖະບານອີຣານໃຊ້ມາດຕະການຕ່າງໆເຊັ່ນລົບກວນດ້ວຍດາວທຽມແລະຂັດຂວາງທາງອິນເຕີເນັດແລະອື່ນໆ,ການເປີດສະຖານທູດທາງອິນເຕີເນັດພຽງແຕ່ແມ່ນ ມາດຕະການໜຶ່ງທີ່ອາເມລິກາໃຊ້ເພື່ອເພີ່ມທະວີການແລກປ່ຽນກັບປະຊົນອີຣານ.
