ວັນທີ5 ທັນວານີ້, ນະຄອນຄຸ່ນມິງຂອງແຂວງຢຸນນານຈີນໄດ້ເຊັນບົດບັນທຶກຮ່ວມມືທາງການທ່ອງທ່ຽວກັບນະຄອນຫຼວງວຽງຈັນຂອງສປປລາວ,ເພື່ອຊຸກຍູ້ວຽກງານທ່ອງທ່ຽວຂອງສອງຝ່າຍພັດທະນາຮ່ວມກັນ.
ພິທີລົງນາມຈັດຂຶ້ນຢູ່ນະຄອນຫຼວງວຽງຈັນ, ບົດບັນທຶກຮ່ວມມືຊີ້ອອກວ່າແຕ່ນີ້ເປັນຕົ້ນໄປສອງນະຄອນຈະເພີ່ມທະວີການຮ່ວມມືທາງການທ່ອງທ່ຽວ,ຖືປະຫວັດສາດວັດທະນະທຳ, ທີວທັດວັດທະນະທຳ, ການທ່ອງທ່ຽວທຳມະຊາດຂອງນະຄອນຄຸ່ນມິງແລະວຽງຈັນເປັນການອາໄສ, ບົນຫຼັກໝັ້ນທີ່" ຊັບພະຍາກອນຕາບຈູນກັນ, ທ່າແຮງ, ແຫຼ່ງນັກທ່ອງທ່ຽວມາຈູນເຈືອກັນ, ຕ່າງຝ່າຍຕ່າງມີຜົນປະໂຫຍດ", ຊຸກຍູ້ການທ່ອງທ່ຽວຂອງສອງຝ່າຍພັດທະນາຮ່ວມກັນ. ໃນຂະນະດຽວກັນ,ສອງຝ່າຍຍັງຈະຕັ້ງໜ້າຊຸກຍູ້ວຽກງານ ຂໍ້ມູນຂ່າວສານດ້ານການທ່ອງທ່ຽວເຕັກໂນໂລຊີ,ຊອກຫາແຫຼ່ງຂໍ້ມູນຂ່າວສານການທ່ອງທ່ຽວຮ່ວມ, ບັນລຸຂໍ້ມູນຂ່າວສານການທ່ອງທ່ຽວແລະຊົມໃຊ້ຮ່ວມກັນ,ພ້ອມທັງເພີ່ມທະວີການອົບຮົມຜູ່ນຳທ່ຽວສອງພາສາ, ຮ່ວມກັນພະຍາຍາມຍົກສູງຄຸນນະພາບຂອງການບໍລິການທາງການທ່ອງທ່ຽວ.
ທ່ານຮວາງຈຸ້ນເຟິ່ງ ຫົວໜ້າຫ້ອງການທ່ອງທ່ຽວນະຄອນຄຸ່ນມິງກ່າວວ່າ, ການຮ່ວມມືທາງການທ່ອງທ່ຽວລະຫວ່າງຈີນກັບລາວມີຂົງເຂດອັນກວ້າງຂວາງ, ມີທ່າແຮງບົ່ມຊ້ອນຢ່າງໃຫຍ່ຫຼວງ, ມີອະນາຄົດດີ, ເສັ້ນທາງຫຼວງຄຸ່ນມິງບາງກອກຈະຊຸກຍູ້ການແລກປ່ຽນແລະການຮ່ວມມືຂອງການທ່ອງທ່ຽວລະຫວ່າງສອງຝ່າຍຕື່ມອີກ.
