ວັນທີ6 ທັນວານີ້,ທ່ານນາງຮີລາຣີ ຄລິນຕັນ ລັດຖະມົນຕີວ່າການກະຊວງການຕ່າງປະເທດອາເມລິກາທີ່ໄປຢ້ຽມຢາມປະເທດສະວິສໄດ້ຈັດການພົບປະກັບຜູ່ນຳຝ່າຍຕໍ່ຕ້ານຂອງຊີຣີຢູ່ເຊີແນວ.
ມື້ດຽວກັນ, ທ່ານນາງຮີລາຣີ ຄລິນຕັນໄດ້ຈັດການພົບປະກັບຜູ່ແທນ"ຄະນະກຳມະການທົ່ວປະເທດຊີຣີ"ເຊິ່ງເປັນຝ່າຍຕໍ່ຕ້ານຂອງຊີຣີ. ໃນການພົບປະ, ທ່ານນາງຮີລາຣີກ່າວວ່າ, ທ່ານນາງເອົາໃຈໃສ່ເປັນພິເສດຕໍ່"ຄະນະກຳມະການທົ່ວປະເທດຊີຣີ"ບັນລຸ"ການປ່ຽນແປງຢ່າງປະຊາທິປະໄຕ"ຂອງຊີຣີແນວໃດ, ແລະເຫນັວ່າບົດລາຍງານທີ່"ຄະນະກຳມະການທົ່ວປະເທດຊີຣີ"ສະເໜີໃຫ້ຝ່າຍອາເມລິກາມີ "ລັກສະນະສ້າງສັນ". ມື້ດຽວກັນນີ້, ກະຊວງການຕ່າງປະເທດອາເມລິກາກ່າວວ່າ, ທ່ານໂລເບີດ ຟອດ ເອກອັກຄະລັດຖະທູດອາເມລິກາປະຈຳຊີຣີພວມກັບຄືນຊີຣີ.
ວັນທີ6 ທັນວານີ້, ກອງກຳປັ່ນຮົບພາກເໜືອຣັດເຊຍປະກາດວ່າ, ມື້ດຽວກັນ, ກອງກຳປັ່ນບັນທຸກເຮືອບິນສັງກັດກອງກຳປັ່ນຮົບພາກເໜືອໄດ້ອອກເດີນທາງໃນມື້ດຽວກັນ, ໄປລາດຕະເວນຢູ່ມະຫາສະໝຸດອັດລຽນຕິກແລະທະເລເມດີເຕຣານເນ.ເຈົ້າໜ້າທີ່ກອງທັບຣັດເຊຍເຄີຍກ່າວວ່າ, ແຜນການລາດຕະເວນຂອງກອງກຳປັ່ນບັນທຸກເຮືອບິນໄດ້ວາງອອກກ່ອນໜ້ານີ້ແລ້ວ,ບໍ່ໄດ້ກ່ຽວຂ້ອງເຖິງສະຖານະການຊີຣີໃນປັດຈຸບັນ.
