ອັງກິດຈະບໍ່ລົງລາຍເຊັນໃນສົນທີສັນຍາສະຫະພາບເອີລົບສະບັບໃໝ່
(GMT+08:00) 2011-12-07 09:49:49 cri
ພາຍຫຼັງຜູ້ນຳຝຣັ່ງແລະເຢຍລະມັນຮຽກຮ້ອງໃຫ້ມີການດັດແກ້ສົນທິສັນຍາສະຫະພາບເອີລົບສະບັບໃໝ່ແລ້ວ, ວັນທີ6ທັນວານີ້, ທ່ານເດວິດ ກາເມຣອນ ນາຍົກລັດຖະມົນຕີອັງກິດກ່າວວ່າ, ຖ້າການດັດແກ້ສົນທິສັນຍາໃນເທື່ອນີ້ບໍ່ສາມາດປົກປັກຮັກສາຜົນປະໂຫຍດຂອງອັງກິດໄດ້, ທ່ານກໍ່ຈະບໍ່ລົງລາຍເຊັນໃນສົນທິສັນຍາສະຫະພາບເອີລົບສະບັບໃໝ່ທີ່ມີວັດຖຸປະສົງຢາກແກ້ໄຂວິກິດການໜິ້ສິນໃນເຂດໃຊ້ເງິນເອີໂຣ.
ທ່ານກາເມຣອນກ່າວເນັ້ນວ່າ, ສົນທິສັນຍາສະຫະພາບເອີລົບສະບັບໃໝ່ຕ້ອງລວມທັງເນື້ອໃນທີ່ຮັກສາຕະຫຼາດທີ່ເປັນເອກະພາບແລະປົກປັກຮັກສາຜົນປະໂຫຍດໃນຂົງເຂດການເງິນຂອງອັງກິດ, ທ່ານຈະປົກປັກຮັກສາຜົນປະໂຫຍດຂອງອັງກິດໃນກອງປະຊຸມສຸດຍອດສະຫະພາບເອີລົບ.
ມື້ດຽວກັນ, ທ່ານຈູຕາ ອຸນປີລາຍເນນ ລັດຖະມົນຕີວ່າການກະຊວງການເງິນແຟນລັງກໍກ່າວວ່າ, ຈະປະຕິເສດຕໍ່ບາງຂໍ້ສະເໜີຂອງເຢຍລະມັນແລະຝຣັ່ງກ່ຽວກັບການແກ້ໄຂວິກິດການໜີ້ສິນຂອງເອີລົບ.
