ຕາມຂ່າວສານຊິນຮວາ: ວັນທີ 6 ທັນວານີ້, ທ່ານບານກີມູນ ເລຂາທິການໃຫຍ່ສະຫະປະຊາຊາດໄດ້ອອກຖະແຫຼງການຜ່ານໂຄສົກປະຈຳສະຫະປະຊາຊາດ, ກ່າວຊົມເຊີຍທີ່ອິນໂດເນເຊຍອະນຸມັດ"ສົນທິສັນຍາຫ້າມບໍ່ໃຫ້ຈັດການທົດລອງນີວເຄຼຍຢ່າງຮອບດ້ານ".
ຖະແຫຼງການຂຽນວ່າ, ທ່ານບານກີມູນຊົມເຊີຍສະພາຕ່ຳອິນໂດເນເຊຍ ອະນຸມັດ"ສົນທິສັນຍາຫ້າມບໍ່ໃຫ້ຈັດການທົດລອງນີວເຄຼຍຢ່າງຮອບດ້ານ"ໃນວັນທີ 6 ທັນວານີ້.
ຖະແຫຼງການຍັງຂຽນວ່າ, ຄຽງຄູ່ກັບອິນໂດເນເຊຍສຳເລັດລະບຽບການອະນຸມັດແລ້ວ,ປັດຈຸບັນ, ປະເທດທີ່ລົງນາມຮັບຮອງໃນສົນທິສັນຍາດັ່ງກ່າວໃນໂລກໄດ້ມີເຖິງ 156 ປະເທດແລ້ວ.ທ່ານບານກີມູນໄດ້ຊຸກຍູ້ໃຫ້ປະເທດທີ່ຍັງບໍ່ໄດ້ເຊັນ"ສົນທິສັນຍາຫ້າມບໍ່ໃຫ້ຈັດການທົດລອງນີວເຄຼຍຢ່າງຮອບດ້ານ"ທັງໝົດນັ້ນລົງນາມ ແລະ ຮັບຮອງສົນທິສັນຍາໂດຍໄວ.ສົນທິສັນຍາສະບັບນີ້ຍັງຕ້ອງການອີກ 8 ປະເທດຮັບຮອງໃນສັນຍາຈິ່ງະຈສາມາດມີຜົນບັງຄັບໃຊ້.
