ວັນທີ 6 ທັນວານີ້, ທ່ານຫວງອີ້ ໂຄສົກກົມໃຫຍ່ຕິດຕາມຄຸ້ມຄອງຄວາມປອດໄພແຫ່ງຊາດຈີນແຈ້ງໃຫ້ຮູ້ວ່າ, ປັດຈຸບັນ, ບົດລາຍງານກ່ຽວກັບອຸປະຕິເຫດລົດໄຟຕຳກັນແຕ່ຕອນທາງໜິງໂປ່-ເວີ່ນໂຈ່ວໃນວັນທີ23 ກໍລະກົດຜ່ານມາພວມຢູ່ໃນໄລຍະການເກັບກຳຂໍ້ມູນແລະຮວບຮວມຫຼັກຖານຢູ່.
ທ່ານຫວງອີ້ກ່າວວ່າ, ນັບແຕ່ໜ່ວຍສຳຫຼວດອຸປະຕິເຫດລົດໄຟຕຳກັນໃນວັນທີ23 ກໍລະກົດຂອງລັດຖະບານຈີນສ້າງຕັ້ງຂຶ້ນມານີ້, ໄດ້ລົງເລິກດຳເນີນວຽກງານຕ່າງໆ ເຊັ່ນ,ສຳຫຼວດເກັບກຳຂໍ້ມູນກັບທີ່, ການທົດລອງແບບຈຳລອງ, ວິເຄາະທາງເຕັກນິກ, ເກັບກຳຫຼັກຖານ, ວິເຄາະໂດຍສັງລວມ ແລະ ຈັດສົ່ງຜູ່ຊ່ຽວຊານລົງພິສູດເປັນຕົ້ນ, ປັດຈຸບັນ ໂດຍລວມແລ້ວແມ່ນໄດ້ສຳເລັດການເກັບກຳຂໍ້ມູນຫຼັກຖານຂອງການສຳຫຼວດໃນຂັ້ນພື້ນຖານແລ້ວ..
