ວັນທີ 6 ທັນວານີ້,ຜູ່ຕາງໜ້າຈີນທີ່ເຂົ້າຮ່ວມກອງປະຊຸມດິນຟ້າອາກາດເດີບານໄດ້ເປີດເຜີຍໃຫ້ຮູ້ເປົ້າໝາຍປະຢັດພະລັງງານແລະຫຼຸດການລະບາຍກາກບອນດິອ໋ອກຊິດ ພ້ອມທັງມາດຕະການສຳຄັນໃນ 5 ປີຕໍ່ໜ້າ. ເຈົ້າໜ້າທີ່ທີ່ຕາງໜ້າຈີນກ່າວວ່າ, ລັດຖະບານຈີນຕົກລົງໃຊ້ຫຼາຍວິທີໂດຍສັງລວມ ເພື່ອຫຼຸດການລະບາຍກາກບອນດີອ໋ອກຊິດຢ່າງຂະໜາດໃຫຍ່ລົງພາຍໃນ 5 ປີ, ຮອດປີ 2015 ຈະເຮັດໃຫ້ການລະບາຍກາກບອນດີອ໋ອກຊິດຂອງຈີນຫຼຸດລົງ 17% ເມື່ອທຽບກັບປີ 2010
ຜູ່ຕາງໜ້າຈີນກ່າວວ່າ, ລັດຖະບານຈີນມີແຜນຈະໃຊ້ມາດຕະການຕົ້ນຕໍເຫຼົ່ານີ້: ເລັ່ງລັດປັບປຸງອົງປະກອບອຸດສາຫະກຳ, ອອກແຮງຊຸກຍູ້ການປະຢັດແລະສິ້ນເປືອງພະລັງງານ, ຕັ້ງໜ້າພັດທະນາພະລັງງານແບບກາກບອນຕ່ຳ, ພະຍາຍາມເພິ່ມກາກບອນຊິນຄ໌ສ໌, ຄວບຄຸມການລະບາຍອາຍພິດເຮືອນແກ້ວທີ່ບໍ່ໃຊ້ພະລັງງານ, ເພິ່ມທະວີການປະຢັດ ແລະ ທົດແທນຜະລິດຕະພັນແບບລະບາຍມົນລະພິດຫຼາຍ.
ລັດຖະບານຈີນຍັງຈະອອກແຮງຊຸກຍູ້ຈຸດທົດລອງແຂວງ,ເຂດປົກຄອງຕົນເອງ ແລະ ຕົວເມືອງທີ່ລະບາຍກາກບອນຕ່ຳ, ດຳເນີນວຽກງານທົດລອງຕ່າງໆ ເຊັ່ນ, ເຂດທົດລອງອຸດສາຫະກຳກາກບອນຕ່ຳ, ເຂດຊຸມຊົນກາກບອນຕ່ຳ, ອຸດສາຫະກຳການຄ້າກາກບອນຕ່ຳ ແລະ ຜະລິດຕະພັນກາກບອນຕ່ຳເປັນຕົ້ນ.
ນອກນີ້, ຈີນຍັງຈະສ້າງລະບົບສະຖິຕິການລະບາຍອາຍພິດເຮືອນແກ້ວຂັ້ນພື້ນຖານ, ເພິ່ມທະວີວຽກງານຄິດໄລ່ການລະບາຍອາຍພິດຮືອນແກ້ວ.
