ວັນທີ7 ທັນວານີ້,ທ່ານເຊ້ຍເຈິ້ນຮວາ, ຮອງຫົວຫນ້າຄະນະກຳມະການພັດ ທະນາແລະປະຕິຮູບແຫ່ງລັດຈີນ, ຫົວຫນ້າຄະນະຜູ່ແທນຈີນທີ່ເຂົ້າຮ່ວມກອງປະຊຸມສະຫະປະຊາຊາດກ່ຽວກັບການປ່ຽນແປງຂອງດິນຟ້າອາກາດທີ່ເດີບານກ່າວວ່າ,ກອງປະຊຸມເທື່ອນີ້ຄວນຊຸກຍູ້ການປະຕິບັດ"ສົນທິສັນຍາຂອບຂອງສະຫະປະຊາຊາດກ່ຽວກັບການປ່ຽນແປງຂອງດິນຟ້າອາກາ"ແລະ"ອະນຸສັນຍາກຽວໂຕ"ຢ່າງຮອບດ້ານ ໃຫ້ມີປະສິດທິຜົນແລະຕໍ່ເນື່ອງຕື່ມອີກ,ເພື່ອຮັກສາແລະປັບປຸງຫຼັກການແລະຂອບທີ່ມີຢູ່ແລ້ວໃນປະຈຸບັນ.
ໃນການເຈລະຈາລະຫວ່າງເຈົ້າຫນ້າທີ່ລະດັບສູງຂອງກອງປະຊຸມເທື່ອນີ້ທີ່ຈັດຂຶ້ນໃນມື້ດຽວກັນ,ທ່ານເຊ້ຍເຈິ້ນຮວາໄດ້ປະກອບຄຳຄິດຄຳເຫັນໂດຍຊີ້ອອກວ່າ,ຫນ້າທີ່ທີ່ສຳຄັນທີ່ສຸດໃນກອງປະຊຸມເດີບານແມ່ນການສຳເລັດສິດຈາກແຜນການບາຫຼີ,ຈັດວາງຄຳຫມັ້ນສັນຍາໄລຍະທີສອງຂອງອະນຸສັນຍາກຽວໂຕຢ່າງຈະແຈ້ງ,ສະແດງໃຫ້ເຫັນຢ່າງຈະແຈ້ງເຖິງຕົວເລກຄາດ ຫມາຍໃນການຫຼຸດການລະບາຍອາຍພິດເຮືອນແກ້ວທີ່ບັນດາລັດພາຄີປະເທດຄືປະເທດທີ່ພວມພັດທະນາແລ້ວສືບຕໍ່ມີຄວາມຮັບຜິດຊອບຕາມຄຳຫມັ້ນສັນຍາໄລຍະທີສອງ,ສະແດງໃຫ້ເຫັນຢ່າງຈະແຈ້ງເຖິງຕົວເລກຄາດ ຫມາຍໃນການຫຼຸດການລະບາຍອາຍພິດເຮືອນແກ້ວທີ່ເທົ່າທຽບກັບປະເທດພັດທະນາແລ້ວອື່ນໆແຕ່ປະເທດທີ່ພັດທະນາແລ້ວຊຶ່ງບໍ່ແມ່ນປະເທດລັດພາຄີມີຄວາມຮັບຜິດຊອບພາຍໃຕ້"ສົນທິສັນຍາ",ຈັດຕັ້ງປະຕິບັດຄວາມຮັບຮູ້ທີ່ເປັນເອກະສັນກັນຂອງ"ສັນຍາຄານຄຸນ"ຢ່າງຮອບດ້ານ,ເພື່ອເລີ່ມຈັດວາງກົນໄກໃນດ້ານຕ່າງໆ ເຊັ່ນ:ກອງທຶນກ່ຽວກັບການປ່ຽນແປງຂອງດິນຟ້າອາກາດສີຂຽວ, ຖ່າຍທອດເຕັກນິກ,ການສ້າງຄວາມສາມາດແລະຄວາມໂປ່ງໃສແລະອື່ນໆ.
ທ່ານເຊ້ຍເຈິ້ນຮວາຊີ້ອອກວ່າ,ໃນຂະນະທີ່ປະເທດທີ່ພວມພັດທະນາປະເຊີນກັບຫນ້າທີ່ຈຳນວນຫຼວງຫຼາຍເຊັ່ນ:ການພັດທະນາເສດຖະກິດແລະຫຼຸດຜ່ອນຄວາມທຸກຍາກແລະອື່ນໆ,ກໍ່ໄດ້ພະຍາຍາມຢ່າງໃຫຍ່ຫຼວງເພື່ອ ຄວບຄຸມການລະບາຍອາຍພິດເຮືອນແກ້ວໃຫ້ຫນ້ອຍລົງຕາມຄວາມສາມາດຂອງຕົນ.ປະເທດທີ່ພັດທະນາແລ້ວຄວນຄຳນຶງເຖິງຫນ້າທີ່ຮັບຜິດຊອບທາງປະຫວັດສາດແລະຄວາມຈິງທີ່ມີຍອດປະລິມານການລະບາຍອາຍພິດເຮືອນແກ້ວອັນໃຫຍ່ຫຼວງທີ່ສະເລ່ຍຕາມຫົວຄົນ,ມີຄວາມຮັບຜິດຊອບຢ່າງແທດເຫມາະກັບຕົວຈິງເພື່ອຫຼຸດການລະບາຍອາຍພິດເຮືອນແກ້ວຢ່າງຂະຫນາດໃຫຍ່ກ່ອນ,ເພື່ອຈັດຕັ້ງປະຕິບັດພັນທະແລະຄຳຫມັ້ນສັນຍາທີ່ສະຫນອງເງິນທຶນແລະສະຫນັບສະຫນູນການຖ່າຍທອດເຕັກນິກໃຫ້ແກ່ປະເທດທີ່ພວມພັດທະນາ.
