ພົບລະເລີດທີ່ຍັງບໍ່ທັນແຕກຢູ່ຖະໜົນຣາຊະດຳເນີນກາງໃຈກາງນະຄອນຫຼວງບາງກອກ
(GMT+08:00) 2011-12-08 15:53:28 cri
ຕາມຂ່າວສານຈີນລາຍງານວ່າ: ທ່ານພານຸພົງສິງຫາຣາ ນະອາຢຸດທະຢາ ຮອງຜູ່ບັນຊາການຕຳຫຼວດແຫ່ງຊາດໄທກ່າວໃນວັນທີ7ທັນວານີ້ວ່າ,ໄດ້ພົບລະເບີດໜ່ວຍໜຶ່ງວາງຢູ່ຖະໜົນຣາຊະດຳເນີນກາງໃຈກາງນະຄອນຫຼວງບາງກອກ,ປະຈຸບັນ,ຕຳຫຼວດພວມເລັ່ງສືບສວນຫາຜູ່ຕ້ອງຫາທີ່ວາງລະເບີດ.
ທ່ານພານຸພົງ ສິງຫາຣາ ນະອາຢຸດທະຢາ ກ່າວວ່າ,ລະເບີດໜ່ວຍນີ້ເປັນລະເບີດທີ່ຄົນປະກອບຂຶ້ນເອງ,ວົງຈອນໄຟຟ້າຂອງລະເບີດນີ້ບໍ່ຄົບຖ້ວນ,ຄາດວ່າຜູ່ວາງລະເບີດເຮັດແນວນີ້ແມ່ນເພື່ອຢາກກໍ່ກວນຫຼືສ້າງຄວາມຢ້ານກົວໃຫ້ແກ່ສາທາລະນະຊົນ.ເຈົ້າໜ້າທີ່ຕຳຫຼວດກ່າວວ່າ,ຖ້າວ່າລະເບີດໜ່ວຍນີ້ ລະເບີດຂຶ້ນຈະມີອະນຸພາບທຳລາຍໃນວົງລັດສະໝີທີ່ມີເສັ້ນຜ່າກາງປະມານ20ແມັດ.
