ໃນກອງປະຊຸມຜູ້ລົງນາມໃນສັນຍາຄັ້ງທີ17ຂອງຂອບສົນທິສັນຍາການປ່ຽນແປງຂອງດິນຟ້າອາກາດສະຫະປະຊາຊາດທີ່ຈັດຂຶ້ນໃນວັນທີ7ທັນວານີ້ຢູ່ນະຄອນເດີບານປະເທດອາຟຼີກາໃຕ້, ທ່ານນາງຄອນນີ ເອເດີກາອັດ, ກໍາມະການທີ່ຮັບຜິດຊອບວຽກງານດິນຟ້າອາກາດຂອງຄະນະກໍາມາທິການສະຫະພາບເອີລົບກ່າວວ່າ, ສະຫະພາບເອີລົບເຫັນດີໂດຍພື້ນຖານໃນການເຂົ້າຮ່ວມການປະຕິບັດຄໍາໝັ້ນສັນຍາໄລຍະທີ2ຂອງ "ອະນຸສັນຍາໂຕກຽວ"ໂດຍຫລັກການ.
ນາງເອເດີກາອັດກ່າວວ່າ, ສະຫະພາບເອີລັບບໍ່ຢາກໃຫ້ຜົນສໍາເລັດທີ່ປະເທດຕ່າງໆໃນທົ່ວໂລກພະຍາຍາມສ້າງມາຫລາຍປີນັ້ນເສຍໄປລ້າໆ. ສະນັ້ນ, ສະຫະພາບເອີລົບຕ້ອງການດໍາເນີນການສົນທະນາໃນທາງທີ່ສ້າງສັນກັບອົງກອນເສດຖະກິດສໍາຄັນອື່ນໆ.ນາງກ່າວເນັ້ນວ່າ, ກ່ອນກອງປະຊຸມເດີບານສິ້ນສຸດລົງ, ຕ້ອງໄດ້ຮັບຄວາມຄືບໜ້າຢ່າງແທ້ຈິງ. ເຖິງວ່າອາເມລິກາ, ການາດາ, ຍີ່ປຸ່ນແລະຣັດເຊຍຍັງຍຶດໃນໝັ້ນຫລັກໝັ້ນທີ່ຄັດຄ້ານກໍຕາມ.
ນັກວິເຄາະເຫັນວ່າ, ການສະແດງທ່າທີຂອງນາງເອເດີກາອັດສະແດງໃຫ້ເຫັນເຖິງສະຫະພາບເອີລົບຍິນດີຜ່ອນສັ້ນຜ່ອນຍາວໃນບັນຫາການປະຕິບັດຄໍາໝັ້ນສັນຍາໄລຍະທີ2ຂອງ "ອະນຸສັນຍາໂຕກຽວ". ແຕ່ວ່າສະຫະພາບເອີລົບອາດຈະຮຽກຮ້ອງໃຫ້ປະເທດອື່ນໆຮັບຮອງເອົາແຜນການດໍາເນີນງານເດີບານທີ່ສະເໜີໂດຍສະຫະພາບເອີລົບ.
