ສະພາບັນດິດວິທະຍາສາດສັງຄົມຈີນປະກາດປຶ້ມປົກຟ້າ ຄາດວ່າອັດຕາເພີ່ມຂຶ້ນຂອງGDPຂອງຈີນໃນປີນີ້ຈະຫຼາຍກວ່າ9%
(GMT+08:00) 2011-12-08 15:38:57 cri
ຕາມຂ່າວCRI: ວັນທີ7ທັນວານີ້, ສະພາບັນດິດວິທະຍາສາດສັງຄົມຈີນໄດ້ປະກາດ《ປຶ້ມປົກສີຟ້າ:ການວິເຄາະແລະຄາດໝາຍກ່ຽວກັບສະຖານະການເສດຖະກິດຂອງຈີນໃນປີ2012》, ຄາດວ່າໃນປີ2011ອັດຕາເພີ່ມຂຶ້ນຂອງGDPຈີນຈະຫຼາຍກວ່າ9%.
ປຶ້ມປົກສີຟ້າຊີ້ອອກວ່າ, ການເຕີບໂຕດ້ານເສດຖະກິດໄດ້ເລີ່ມຈາກການກະ ຕຸ້ນດ້ວຍນະໂຍບາຍຫັນໄປສູ່ການເຕີບໂຕດ້ວຍຕົນເອງຕາມລະບຽບການ, ໄພເງິນເຟີ້ພາຍໃນຈາກການສະສົມແລ້ວປ່ອຍອອກຫັນໄປສູ່ຜ່ອນຄາຍຕາມບາດກ້າວ. ຄາດວ່າອັດຕາການເພີ່ມຂຶ້ນຂອງGDPຈີນໃນປີ2011ຈະຫຼາຍກວ່າ9%, ປີ2012, ຖ້າວ່າສະພາບແວດລ້ອມດ້ານເສດຖະກິດການເມືອງສາກົນບໍ່ຊຸດໂຊມລົງກວ່າເກົ່າ, ພາຍໃນປະເທດບໍ່ເກີດໄພທຳມະຊາດທີ່ໜັກໜ່ວງແລະບັນຫາຮຸນແຮງອື່ນໆ, ເຖິງແມ່ນວ່າຄວາມໄວໃນການເຕີບໂຕດ້ານເສດຖະກິດຈະຫຼຸດລົງ, ແຕ່ວ່າຍັງຮັກສາໃນຂອບການເຕີບໂຕຢ່າງສົມເຫດສົມຜົນ, ອັດຕາການເພີ່ມຂຶ້ນຂອງGDPຄາດວ່າຈະບັນລຸເຖິງ8,9%.
