ຈີນຍິນດີສະໜັບສະໜູນປະເທດທີ່ພວມພັດທະນາຫຼຸດການລະບາຍອາຍພິດເຮືອນແກ້ວດ້ວຍຄວາມສາມາດຂອງຕົນ
(GMT+08:00) 2011-12-08 11:08:10 cri
ວັນທີ 7 ທັນວານີ້, ທ່ານເຊ້ຍເຈີ້ນຮວາ, ຮອງຫົວໜ້າຄະນະກຳມະການພັດທະນາແລະປະຕິຮູບແຫ່ງລັດຈີນ, ທັງເປັນຫົວໜ້າຄະນະຜູ້ແທນຈີນທີ່ເຂົ້າຮ່ວມກອງປະຊຸມກ່ຽວກັບການປ່ຽນແປງຂອງດິນຟ້າອາກາດທີ່ນະຄອນເດບານກ່າວວ່າ, ຈີນຍິນດີໃຫ້ການສະໜັບສະໜູນແກ່ປະເທດທີ່ພວມພັດທະນາອື່ນໆເພື່ອດຳເນີນການເຄື່ອນໄຫວຮັບມືກັບການປ່ຽນແປງຂອງດິນຟ້າອາກາດ ດ້ວຍຄວາມສາມາດຂອງຕົນ.
ໃນ "ກອງປະຊຸມປຶກສາຫາລືສຸດຍອດພາຍໃຕ້ຫົວຂໍ້ "ປະເທດຈີນ" ໃນການຮ່ວມມືໃຕ້-ໃຕ້ເພື່ອຮັບມືກັບການປ່ຽນແປງຂອງດິນຟ້າອາກາດ" ທີ່ຈັດຂຶ້ນຢູ່ກອງປະຊຸມກ່ຽວກັບການປ່ຽນແປງຂອງດິນຟ້າອາກາດທີ່ນະຄອນເດບານ, ທ່ານເຊ້ຍເຈີ້ນຮວາກ່າວວ່າ, ໄລຍະນີ້, ຈີນຈະໃຫ້ການຊ່ວຍເຫຼືອໃນດ້ານການສ້າງຄວາມສາມາດ, ການກຳເຕັກນິກແລະການເຜີຍແຜ່, ເຕັກນິກຜະລິດອຸປະກອນທີ່ປະຢັດພະລັງງານແລະໃຫ້ແກ່ປະເທດທີ່ພວມພັດທະນາ.
ພ້ອມກັນນັ້ນ, ທ່ານກ່າວເນັ້ນວ່າ, ການຮັບມືກັບການປ່ຽນແປງຂອງດິນຟ້າອາກາດຍັງຕ້ອງການການຮ່ວມມືຂອງທົ່ວໂລກ. ປະເທດທີ່ພັດທະນາແລ້ວມີຄວາມສາມາດໃນດ້ານເສດຖະກິດທີ່ເຂັ້ມແຂງ, ໄດ້ມີເຕັກນິກກາກບອນຕ່ຳທີ່ກ້າວໜ້າ, ອົງການຕ່າງໆ, ເຊັ່ນ: ໂຄງການສິ່ງແວດລ້ອມສະຫະປະຊາຊາດ, ທະນາຄານໂລກເປັນຕົ້ນໄດ້ສະສົມຊັບພະຍາກອນຄວາມຮູ້ແລະເຕັກນິກຢ່າງຫຼວງຫຼາຍໃນຂົງເຂດການປ່ຽນແປງຂອງດິນຟ້າອາກາດ, ມີບົດຮຽນໃນດ້ານພຶດຕິກຳທີ່ອຸດົມສົມບູນ, ມີແຫຼ່ງເງິນທຶນບໍລິຈາກແລະເງິນກູ້ຫຼວງຫຼາຍ, ສາມາດໃຫ້ການສະໜັບສະໜູນຢ່າງແຂງແຮງແກ່ປະເທດທີ່ພວມພັດທະນາໃນດ້ານການວາງແຜນການ, ການອອກແບບແລະປະຕິບັດການເຄື່ອນໄຫວຮັບມື.
