ຈີນຮຽກຮ້ອງໃຫ້ປະຊາຄົມໂລກເພີ່ມການສະໜັບສະໜູນປະເທດທີ່ພວມພັດທະນາໃຫ້ຫຼາຍຂຶ້ນ
(GMT+08:00) 2011-12-08 14:45:35 cri
ວັນທີ 7 ທັນວານີ້, ທ່ານວາງມິນ, ຮອງຜູ້ຕ່າງໜ້າຖາວອນຂອງຈີນປະຈຳສະຫະປະຊາຊາດກ່າວໃນກອງປະຊຸມເຈລະຈາລະດັບສູງກ່ຽວກັບບັນຫາການພັດທະນາການລະດົມທຶນຄັ້ງທີ 5 ຂອງສະມັດຊາໃຫຍ່ສະຫະປະຊາຊາດວ່າ, ປະເທດທີ່ພັດທະນາແລ້ວຄວນສະແດງຄວາມຈິງໃຈ, ປະຕິບັດຕາມຄຳໝັ້ນສັນຍາ, ສະໜອງເງິນທຶນທີ່ພຽງພໍ, ຍຶນຍົງແລະຄາດຄະເນໄດ້ໃຫ້ແກ່ປະເທດທີ່ພວມພັດທະນາ. ທ່ານຮຽກຮ້ອງໃຫ້ປະຊາຄົມໂລກເພີ່ມທະວີການປະຕິຮູບລະບົບການທະນາຄານສາກົນ, ສືບຕໍ່ເຮັດໃຫ້ຜູ້ແທນຂອງປະເທດທີ່ພວມພັດທະນາສາມາດມີສິດໃນການປະກອບຄຳຄິດຄຳເຫັນຫຼາຍກວ່າເກົ່າໃນການແກ້ໄຂເສດຖະກິດທົ່ວໂລກ.
ທ່ານວາງມິນຮຽກຮ້ອງໃຫ້ປະຊາຄົມໂລກທຳຄວາມພະຍາຍາມໃນດ້ານຕ່າງໆ, ຄື: ໜຶ່ງ, ຮ່ວມແຮງປະສານສົມທົບກັນ, ຟື້ນຟູການເຕີບໂຕແຂງແຮງ, ຍືນຍົງແລະສະໝ່ຳສະເໝີກັນຂອງເສດຖະກິດໂລກໂດຍໄວ, ສອງ, ເຕົ້າໂຮມເຈດຈຳນົງດ້ານການເມືອງ, ສືບຕໍ່ຊຸກຍູ້ປະຕິບັດ "ຄວາມເຫັນເອກະສັນກັນມົນເຕີເຣ" ແລະ "ຖະແຫຼງການໂດຮາກ່ຽວກັບການຫ້າງຫາທຶນພັດທະນາ", ສາມ, ເພີ່ມທະວີການແກ້ໄຂເສດຖະກິດທົ່ວໂລກ, ສ້າງສະພາບແວດລ້ອມທີ່ດີໃຫ້ແກ່ການພັດທະນາຂອງປະເທດທີ່ພວມພັດທະນາ, ສີ່, ຫາລືຮູບແບບການຫາງຫາທຶນແບບໃໝ່ບົນພື້ນຖານຍຶດໝັ້ນຖືການຊ່ວຍເຫຼືອການພັດທະນາຂອງລັດຖະບານເປັນຕົ້ນຕໍ, ສຸດທ້າຍ, ການຊ່ວຍເຫຼືອຈະໄດ້ຮັບຜົນດີຕ້ອງຢູ່ບົນພື້ນຖານທີ່ມີເງິນຊ່ວຍເຫຼືອຢ່າງພຽງພໍ. ບໍ່ຄວນເອົາການພົວພັນຄູ່ຮ່ວມມືໃນການພັດທະນາຂອງທົ່ວໂລກກັບການຮ່ວມມືໃຕ້-ໃຕ້ມາກ່ຽວພັນກັນ.
