ກຳປູເຈຍຈະພະຍາຍາມປົກປັກຮັກສາການພົວພັນມິດຕະພາບລະຫວ່າງອາຊຽນກັບຈີນ
(GMT+08:00) 2011-12-08 10:30:18 cri
ວັນທີ7ທັນວານີ້, ຢູ່ນະຄອນຫຼວງພະນົມເປັນ, ທ່ານຮໍນຳຮົງ ຮອງນາຍົກລັດຖະມົນຕີ ທັງເປັນລັດຖະມົນຕີວ່າການກະຊວງການຕ່າງປະເທດແລະຮ່ວມມືສາກົນກຳປູເຈຍກ່າວວ່າ, ໃນຖານະເປັນປະເທດປະທານໝູນວຽນອາຊຽນໃນປີ2012, ກຳປູເຈຍຈະພະຍາຍາມປົກປັກຮັກສາມິດຕະພາບທີ່ເປັນມູນເຊື້ອແລະການພົວພັນມິດຕະພາບແລະການຮ່ວມມືລະຫວ່າງອາຊຽນກັບຈີນ.
ທ່ານຮໍນຳຮົງກ່າວຄວາມເວົ້ານີ້ໃນເວລາຕອບຄຳຖາມຂອງນັກຂ່າວ ພາຍຫຼັງທ່ານພົບປະກັບທ່ານຟິມບິນມິນ ລັດຖະມົນຕີວ່າການກະຊວງການຕ່າງປະເທດຫວຽດນາມທີ່ໄປຢ້ຽມຢາມ. ທ່ານໂຮນຳຮົງກ່າວວ່າ, ທ່ານໄດ້ແລກປ່ຽນຄວາມເຫັນກັບທ່ານຟິມບິນມິນ ກ່ຽວກັບການພົວພັນລະຫວ່າງກຳປູເຈຍກັບຫວຽດນາມ, ກຳປູເຈຍເປັນປະເທດປະທານໝູນວຽນອາຊຽນໃນປີ2012ແລະບັນຫາອື່ນໆ.
ທ່ານຮໍນຳຮົງກ່າວວ່າ, ໃນຖານະເປັນປະເທດປະທານໝູນວຽນອາຊຽນ, ກຳປູເຈຍຈະເສີມຂະຫຍາຍບົດບາດປະສານງານທີ່ສຳຄັນໃນບັນຫາທັງໝົດທີ່ກ່ຽວຂ້ອງກັບປະເທດອາຊຽນ. ທ່ານກ່າວເນັ້ນວ່າ, ກຳປູເຈຍຈະພະຍາຍາມສຸດຂີດເພື່ອປົກປັກຮັກສາແລະລົງເລິກການພົວພັນມິດຕະພາບແລະການຮ່ວມມືທີ່ເປັນມູນເຊື້ອລະຫວ່າງອາຊຽນກັບຈີນ.
