ຄະນະລັດຖະບານຊຸດໃໝ່ເອຢິບສາບານຕົວຂຶ້ນດຳລົງຕຳແໜ່ງ
(GMT+08:00) 2011-12-08 15:23:32 cri
ຕາມຂ່າວສານຊິນຮວາ, ວັນທີ7ທັນວານີ້, ຢູ່ກະຊວງປ້ອງກັນປະເທດເອຢິບ, ຄະນະລັດຖະບານຊຸດໃໝ່ຂອງເອຢິບ ໂດຍແມ່ນທ່ານກາມານ ກັນຊູຣີ ເປັນນາຍົກລັດຖະມົນຕີ ໄດ້ສາບານຕົວຂຶ້ນດຳລົງຕຳແໜ່ງຢູ່ຕໍ່ໜ້າທ່ານໂມຮາເມັດ ຮູເຊນ ຕັນຕາວີ ປະທານຄະນະກຳມະການສູງສຸດກອງປະກອບອາວຸດເອຢິບ.
ຄະນະລັດຖະບານຊຸດໃໝ່ຂອງເອຢິບມີລັດຖະມົນຕີຊຸດເກົ່າຈຳນວນ13ທ່ານ ເຊັ່ນ ລັດຖະມົນຕີກະຊວງການຕ່າງປະເທດ, ກະຊວງການຄ້າກັບຕ່າງປະເທດແລະອຸດສາຫະກຳ, ກະຊວງໄຟຟ້າແລະພະລັງງານ, ການກະຊວງການຜະລິດອຸດສາຫະກຳທະຫານແລະລັດຖະມົນຕີວ່າການກະຊວງວຽກງານສາສະໜາດັ່ງນີ້ເປັນຕົ້ນຍັງໄດ້ສືບຕໍ່ດຳລົງຕຳແໜ່ງຕໍ່ໄປ. ນອກນີ້, ຍັງໄດ້ເພີ່ມຫຼາຍກະຊວງ ເຊັ່ນ: ກະຊວງການສະສະໜອງແລະການຄ້າພາຍໃນປະເທດ, ກະຊວງວັດຖຸບູຮານ, ກະຊວງວິທະຍາສາດເຕັກໂນໂລຊີ, ກະຊວງປະກັນໄພ.
ວັນທີ7ທັນວານີ້, ຄະນະກຳມະການສູງສຸດກອງປະກອບອາວຸດເອຢິບຍັງປະກາດດຳລັດ, ຕົກລົງມອບສິດປະທານາທິບໍດີທັງໝົດໃຫ້ນາຍົກລັດຖະມົນຕີຜູ້ໃໝ່ຍົກເວັ້ນແຕ່ສິດອຳນາດດ້ານຕຸລາການແລະວຽກງານກອງທັບ.
