ຈີນລາວຮ່ວມກັນກວດຕັ້ຫຼັກໝາຍຊາຍແດນເລກທີ7ທີ່ປັກໃໝ່ເປັນຄັ້ງທຳອິດ
(GMT+08:00) 2011-12-09 10:56:14 cri
ວັນທີ8ທັນວານີ້, ພິທີຈີນລາວຮ່ວມກັນກວດຫຼັກໝາຍຊາຍແດນເລກທີ7ທີ່ປັກໃໝ່ເປັນ ຄັ້ງທຳອິດໄດ້ຈັດຂຶ້ນຢູ່ເມືອງຈ່ຽງເສີງນະຄອນພູເອີແຂວງຢຸນນານຈີນ.
ເຈົ້າໜ້າທີ່ການນຳລະດັບຕ່າງໆຂອງນະຄອນພູເອີ, ທ່ານທອງເສັດ ແສງວົງ, ຮອງເລຂາຄະນະພັກ, ກຳມະການການເມືອງທັງເປັນຫົວໜ້າກອງບັນຊາການການທະຫານແຂວງຜົ້ງສາລີພ້ອມຄະນະຜູ້ແທນໄດ້ຮ່ວມກັນເປັນສັກຂີພິຍານໃຫ້ແກ່ການປັກຫຼັກໝາຍຊາຍແດນເລກທີ7ຕາມຊາຍແດນຈີນລາວ. ທ່ານທອງເສັດ ແສງວົງກ່າວວ່າ, ການປັກຫຼັກໝາຍຊາຍແດນໃໝ່ເລກທີ7ເປັນຜົນງານທີ່ເປັນໜ້າປະທັບໃຈ. ບໍ່ພຽງແຕ່ໄດ້ສະແດງໃຫ້ເຫັນເຖິງການພົວພັນທີ່ນັບມື້ນັບໃກ້ຊິດກວ່າເກົ່າລະຫວ່າງນະຄອນພູເອີຈີນກັບແຂວງຜົ້ງສາລີຂອງລາວ, ທັງເປັນສັກຂີພິຍານທາງປະຫວັດສາດແຫ່ງການໄປມາຫາສູ່ກັນດ້ວຍໄມຕີຈິດມິດຕະພາບລະຫວ່າງສອງລັດແລະປະຊາຊົນສອງຊາດ. ໄດ້ອຳນວຍຄວາມສະດວກໃຫ້ແກ່ສອງປະເທດຈີນລາວໃນການພົວພັນທາງດ້ານເສດຖະກິດການຄ້າແລະປົກປັກຮັກສາປະເທດ.
ປີນີ້ແມ່ນຈີນລາວສ້າງສາຍພົວພັນທາງການທູດຄອບຮົບ50ປີ, ວຽກງານກວດຊາຍແດນຈີນລາວໄດ້ດຳເນີນໄປຢ່າງສະດວກແລະມີຜົນສຳເລັດລົງຢ່າງຈົບງາມ, ມີຄວາມໝາຍປະຫວັດສາດອັນສຳຄັນຕໍ່ການຊຸກຍູ້ແລະປັບປຸງການພົວພັນໄມຕີຈິດມິດຕະພາບລະຫວ່າງສອງປະເທດຈີນລາວ.
