ຈີນຄັດຄ້ານສົງຄາມອິນເຕີເນັດແລະການແຂ່ງຂັນກຳລັງຮົບທາງອິນເຕີເນັດ
(GMT+08:00) 2011-12-09 16:41:55 cri
ເວທີປຶກສາຫາລືອິນເຕີເນັດຈີນ-ອາເມລິກາຄັ້ງທີ5ໄດ້ຈັດຂຶ້ນແຕ່ວັນທີ7ຫາວັນທີ8ທັນວານີ້ຢູ່ນະຄອນຫຼວງວໍຊິງຕັນຂອງອາເມລິກາ.ຜູ່ຕາງໜ້າຈີນກ່າວຢ້ຳຫຼັກໝັ້ນຢ່າງຈະແຈ້ງວ່າ,ຈີນຄັດຄ້ານສົງຄາມອິນເຕີເນັດແລະການແຂ່ງຂັນກຳລັງຮົບທາງອິນເຕີເນັດດ້ວຍທຸກຮູບແບບ.
ໃນເວລາປະກອບຄຳຄິດຄຳເຫັນຢູ່ໃນເວທີປຶກສາຫາລືໃນຄັ້ງນີ້,ທ່ານສຽນສ້ຽວຊຽນຮອງຫົວໜ້າຫ້ອງການຂໍ້ມູນຂ່າວສານອິນເຕີເນັດແຫ່ງລັດຈີນກ່າວວ່າ,ຈີນຄັດຄ້ານຕໍ່ຕ້ານທາງອິນເຕີເນັດຂອງແຮັກເກີດ້ວຍທຸກຮູບແບບ,ຄັດຄ້ານ ສົງຄາມອິນເຕີເນັດແລະການແຂ່ງຂັນກຳລັງຮົບທາງອິນເຕີເນັດດ້ວຍທຸກຮູບແບບ.ຈີນຍິນດີເພີ່ມທະວີການຮ່ວມມືກັບປະເທດຕ່າງໆໃນໂລກເຊິ່ງລວມທັງອາເມລິກາເພື່ອຮ່ວມກັນປົກປັກຮັກສາຄວາມປອດໄພທາງອິນເຕີເນັດ.
ທ່ານໂຣເບີດໂຮມັສ ລັດຖະມົນຕີຊ່ວຍວ່າການກະຊວງການຕ່າງປະເທດອາເມລິກາທີ່ເຂົ້າຮ່ວມເວທີປຶກສາຫາລືໃນຄັ້ງນີ້ກ່າວວ່າ,ຫວັງໃຫ້ສອງປະເທດອາເມລິກາ-ຈີນສືບຕໍ່ດຳເນີນການສົນທະນາຢ່າງກົງໄປກົງມາແລະເພີ່ມທະວີການຮ່ວມມືກັນໃນຂົງເຂດອິນເຕີເນັດ.
