ປະຈຸບັນ, ກອງປະຊຸມກ່ຽວກັບການປ່ຽນແປງຂອງດິນຟ້າອາກາດຂອງສະຫະປະຊາຊາດໄດ້ຈັດຂຶ້ນຢູ່ນະຄອນເດີບານຂອງປະເທດອາຟລິກາໃຕ້. ວັນທີ8ທັນວານີ້, ເຈົ້າໜ້າທີ່ຜູ້ຕາງໜ້າຈີນທີ່ເຂົ້າຮ່ວມປະຊຸມກ່າວວ່າ, ໄປຄຽງຄູ່ກັນກັບການເພີ່ມທະວີການຄວບຄຸມການລະບາຍອາຍພິດເຮືອນແກ້ວໃນໄລຍະປະຕິບັດ "ແຜນການພັດທະນາເສດຖະກິດສັງຄົມ5ປີຄັ້ງທີ12", ຈີນຄາດວ່າຈະສ້າງລະບົບຊື້ຂາຍການລະບາຍກາກບອນດີອອກສິດຫລືETSຕື່ມອີກ.
ເຈົ້າໜ້າທີ່ຜູ້ຕາງໜ້າຈີນກ່າວວ່າ, ກ່ອນປີ2015, ຈີນຈະສ້າງວິທີຄຸ້ມຄອງບໍລິຫານການຊື້ຂາຍການລະບາຍກາກບອນດີອອກສິດດ້ວຍຄວາມສະໝັກໃຈ, ຕົກລົງສ້າງໂຄງຮ່າງການຄຸ້ມຄອງພື້ນຖານ, ຂັ້ນຕອນການຊື້ຂາຍແລະວິທີຕິດຕາມຄຸ້ມຄອງຂອງກົນໄກຊື້ຂາຍການລະບາຍກາກບອນດີອອກສິດດ້ວຍຄວາມສະໝັກໃຈ,ສ້າງລະບົບຈົດລະບຽນແລະລົງລະບຽນກ່ຽວກັບການຊື້ຂາຍແລະລະບົບປະກາດຂໍ້ມູນຂ່າວສານ.
ETSແມ່ນຕະຫລາດຊື້ຂາຍທີ່ຖືສິດລະບາຍອາຍພິດເຮືອນແກ້ວເປັນສິນຄ້າ.
